Lajme

Qeveria bënë ndryshimet në UA, pronat e Radojiçiqit në shfrytëzim Policisë

Autori: Gazeta inFokus 13:59 | 24 July 2024

Qeveria e Kosovës ka miratuar plotësim-ndryshimet e Udhëzimit administrativ 13/2022, me të cilën mundësohet që pronat e konfiskuara dhe të sekuestruara tu jepen në shfrytëzim institucioneve publike ose organeve shtetërore pa ankand publik.

Kryeministri, Albin Kurti ka thënë se disa pasuri që tashmë janë sekuestruar gjenden në disa pika strategjike të territorit tonë, konkretisht në veri.

“Ky projekt udhëzim rregullon të drejtën e Agjencisë për Administrimin e Pasurisë së Sekuestruar ose Konfiskuar që të jap me qira në fazën e sekuestrimit pasuritë e paluajtshme pa ankand publik nëse kërkohen nga institucionet publike ose organet shtetërore”, ka theksuar Krurti.

-Advertisement-

Sipas tij, shfrytëzimi i tyre nga institucionet e sigurisë është i rëndësisë nacionale dhe kontribuon në rritjen e sigurisë.

Për këtë detaje ka dhënë ministrja e Drejtësisë, Albulena Haxhiu. Sipas saj, ndryshimet në udhëzimin administrativ janë të rëndësishme pasi eliminojnë procedurat e zgjatura.

Ministrja ka deklaruar se me këtë disa prona që gjenden në veri tashmë kalojnë në menaxhim të Ministrisë së Punëve të Brendshme, gjegjësisht Policisë së Kosovës.

“Bëhet fjalë për pronat e ish krye terroristit Milan Radoiçiq… pronat që kanë qenë të tij, tashmë janë në menaxhim të Ministrisë së Drejtësisë, përkatësisht Agjencisë për menaxhimin pasurisë së sekuestruar ose të konfiskuar”, ka deklaruar Haxhiu, duke thënë se këto prona kalojnë në menaxhim të Policisë së Kosovës.

Ministrja Haxhiu ka theksuar se me miratimin e plotësim-ndryshimeve në Udhëzimin administrativ mundësohet që të vazhdojnë me procedurat tjera të nevojshme.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme