Lajme

“Qeveri e mashtrimit”, Veliu kërkon presion opozitar e qytetar që pagat e mësimdhënësve të procesohen menjëherë

Autori: Gazeta inFokus 12:23 | 04 October 2022

Deputeti i LDK-së, Agim Veliu ka reaguar pas mos ekzekutimit të pagave për mësimdhënsit grevistë.

Ai thotë se “Qeveria e shpresës” çdo ditë e më shumë po e tregon fytyrën e vërtetë.

Veliu kërkon reagim dhe presion opozitar e qytetar që pagat e mësimdhënësve të procesohen menjëherë.

-Advertisement-

Shkrimi i plotë:

“Qeveria e shpresës” çdo ditë e më shumë po e tregon fytyrën e vërtetë.

Ndodhi greva në sektorin publik dhe kjo qeveri po tregon se është qeveri e ndëshkimit.

Po vërtetohet se Kurti me kabinetin e tij qëllimisht iu shmang dialogut dhe ndërprerjes së grevës në arsim me qëllim që t’i tregojnë “muskujt” karshi mësimdhënësve.

Ndodhi ajo që edhe mund të pritej, qeveria e mashtrimit ndëshkoi mësimdhënësit dhe duke mos ua procesuar pagat, i la pa bukën e gojës mbi 20 mijë familje.

Në kohën e inflacionit më të lartë që nga paslufta, ngritjes enorme të çmimeve dhe kur qeveria e mashtrimit po paralajmëron dimër të rëndë energjetik, shumica e mësimdhënësve nuk do të marrin paga as në nëntor.

Pagat e tyre do të jenë peng i bankave, duke paguar dy këste të kredisë e me kamata ndëshkuese.

Prandaj, më shumë se kurrë nevojitet reagim dhe presion opozitar e qytetar mbi qeverinë e mashtrimit që pagat e mësimdhënësve të procesohen menjëherë.

Subscribe në YouTube: GAZETA INFOKUSI