Lajme

“Qeveri e idhnakëve”: Jasharaj i SBAShK thotë se formularin për heqje dorë nga shtesat, Murati do ta aplikojë edhe ndaj sektorit publik

Autori: Gazeta inFokus 13:01 | 26 December 2024

Rrahman Jasharaj, kryetar i SBAShK ka folur për vendimin e Qeverisë që t’i japë shtesa nga 100 euro të gjithë pensionistëve dhe fëmijëve nga 0-16 vjeç.

Jasharaj thotë se po vazhdon të ketë reagime e kundërshtime për këtë ndihmë.

“Për t’ia hequr pikëllimin e mllefin Hekuranit po i tregoi se ka aty e këtu fëmijë e pensionistë që u gëzuan shumë për këtë dhuratë. Një fëmijë në Pejë më ndali në rrugë dhe plot gaz me tregoi se me ato 100 euro do të blej drita dekoruese, bredh dhe balona. Më tha se në balona do të shkruaj emrin Hekuran”, ka thënë Jasharaj,

-Advertisement-

Jasharaj ka folur edhe për formularin që e krijoi Qeveria, në mënyrë që ata që nuk duan të heqin dorë nga këto shtesa.

Sipas tij, ky formular do të aplikohet edhe në fund të janarit kur pagat do të rriten për 55 euro për sektorin publik.

“Në këtë formular do t’u thotë të punësuarve në sektorin publik, pra punëtorëve të arsimit, policisë, zjarrfikësve, të punësuarve në shëndetësi, administratës e të tjerëve se kush e përbuz rritjen prej 55 euro mos t’i merr, bile mund të heq dorë edhe nga e tërë paga. Kjo Qeveri është e idhnakëve dhe nuk qanë kokën çka thotë populli e çka është demokracia, por vendos vet se kë ta shpërblej e kë ta ndëshkoj. Mos harroni se kjo Qeveri i nxiti qytetarët që të heqin dorë nga ngrohja me dru e pelet po të orientohet në aparatura moderne me rrymë madje edhe duke premtuar subvencionim të një pjese të pagesës për to. Tash rrymë nuk ka sa duhet dhe do të nxehemi me batanije e do të hamë bukë me konserva”, thuhet në deklarimin e Jasharajt të SBAShK.

Subscribe në YouTube: GAZETA INFOKUSI