Lajme

Qershori i zgjedhjeve, shqiptarë që votojnë dy herë

Autori: Gazeta inFokus 16:09 | 07 June 2017

Bardhyl Hasanpapaj është prishtinas nga Tropoja. Ka ardhur për studime në vitin 2000 dhe tashmë e ka kthyer në vendlindje. Tropojani është asistentpedagog në Fakultetin e Drejtësisë, në universitetin publik, e ka edhe një kompani ku punëson 24 persona.

“E gjithë ajo pjesë e popullatës andej nga Tropoja, më shpesh vijnë në Kosovë, sesa në çdo pjesë të Shqipërisë, përveç Bajram Currit ku edhe ndodhen. Kosova është bërë një portë e parë nga hyjnë, e që kur është bërë autostrada, kalojnë për të shkuar në pjesë të tjera të Shqipërisë, në Tiranë e më tej”, thotë Bardhyl Hasanpapaj, asistentpedagog në Universitetin e Prishtinës.

Lidhjet mes Kosovës dhe Shqipërisë shihen si të nënkuptueshme. Por marrëdhënieve u bëjnë konkurrencë Maqedonia, e mbi të gjitha Serbia. Tregu shqiptar dhe kosovar, për kompanitë e të dyja vendeve ngelet ende i panjohur.

-Advertisement-

“Çuditërisht, vend më të madh të shkëmbimeve tregtare sesa Shqipëria, vazhdon të zenë Serbia e Maqedonia. Produktet serbe janë shumë të pranishme në Kosovë, pavarësisht fushatave të ndryshme që janë organizuar këtu për bojkotimin e tyre. Serbia eksporton rreth 300 milionë euro mallra në Kosovë, 60% më shumë sesa eksporton Shqipëria”, thotë Lavdim Hamidi, kryeredaktor i “Zëri”.

Bardhyl Hasanpapaj është nën ethet e dy palë zgjedhjeve dhe ndjek dy fushata. Do të votojë edhe në Kosovë, edhe në Shqipëri. Dy shtete, – thotë tropojani, – duhet të gjejnë zgjidhje për të ardhmen.

“Ka ardhur koha që ne të trajtojmë vetveten në radhë të parë shumë më seriozisht, të ndërtojmë shtetet tona brenda, e që të ketë një demokraci funksionale që bazohet në sundimin e ligjit. Sigurisht me një objektiv të qartë për integrimin në Bashkimin Europian, që vjen domosdoshërisht nga ky bashkëpunim rajonal, ku do të jete si Kosova, edhe Shqipëria”, tha më tej Bardhyl Hasanpapaj.

Tema e marrëdhënieve me Shqipërinë dhe flamurin ka qenë pjesë e deklarimit të identitetit politik në fushatë, por edhe premtim.

Subscribe në YouTube: GAZETA INFOKUSI
Rëndësia e komunikimit efektiv midis Familjes dhe Kopshtit

Të tjera