Lajme

Qeni endacak kafshon fëmijën në Ferizaj, i shkakton lëndime në këmbë

Autori: Gazeta inFokus 11:44 | 03 April 2021

Një fëmijë është sulmuar sot nga qentë endacakë në orët e mëngjesit në Ferizaj.

Siç ka deklaruar një qytetar i Ferizajt, rasti ka ndodhur sot rreth orës 08:00 në Rrugën “Gursel e Bajram Sylejmani”.

“Qeni e ka sulmuar fëmijën nga prapa dhe e ka kafshuar në këmbë. Falë intervenimit të qytetarëve, të cilët e larguan qenin, fëmija ka shpëtuar nga më e keqja”, ka deklaruar qytetari për Telegrafin.

Në fotot e bëra nga ky qytetar shihet fëmija me plagën në këmbë të shkaktuar nga kafshimi i qenit.

Sulmet e qytetarëve nga qentë endacakë janë bërë përditshmëri në vendin tonë. Ndërsa, institucionet e Kosovës po vazhdojnë ta neglizhojnë këtë çështje.

Të tjera