Lajme

Qendra e Studentëve hap konkursin për pranimin e studentëve në konvikte

Autori: Islam Morina 18:25 | 28 October 2020

Qendra e Studentëve me anë të një komunikate ka njoftuar se është hapur konkursi për pranimin e studentëve në Qendrën e Studentëve, shkruan Gazeta inFokus.

Konkursi do të jetë i hapur nga data 29.10.2020 e deri më 07.11.2020, kurse çmimi për një student do të jetë 35 euro, i cili përfshinë banimin dhe ushqimin në mensë.

Komunikata e plotë:

“Qendra e Studentëve e Universitetit të Prishtinës (UP), shpallë konkursin për pranimin e studentëve për banim në konvikte dhe për ushqim në mensë, për vitin akademik 2020/2021.Konkursi do të jetë i hapur prej datës29.10.2020deri më datën 07.11.2020.

Studentët tëcilët do të aplikojnëpër strehim dhe ushqim në Qendrën e Studentëve,aplikiminmund ta bëjnë përmes sistemit Online, në adresat zyrtare të QS, ëeb faqes qs.rks-gov.net dhe profilit zyrtar Facebook Qendra e Studenteve-Prishtine.

Qendra e Studentëve e Universitetit të Prishtinës si pasojë e zhvillimeve epidemiologjike në vend me Covid-19 dhe në bazë të rekomandimeve nga IKSHPK këtë vit do të pranojë rreth1600 studentë,pra një student në një dhomë.
Edhe në këto rrethana QS ofron strehim, ushqim si dhe hapësirat për studim.

Mënyra e përzgjedhjës së kandidatëve të cilët do të fitojnë të drejtën për strehim dhe ushqim do të bëhet në bazë të kritereve të përcaktuara me konkurs.

Këtë vit ndarja e vendeve për strehim në konviktet e Qendrës se Studentëve, do të bëhet në bazë të kërkesës së rektoratit të Universitetit të Prishtinës dhe atë 70% e këtyre vendeve do të ndahen per fakultetet, programet e studimit të të cilave përmbajnë lëndë praktike dhe labaratorike si dhe 30% për faklutetet, programet e të cilave përmbajnë komponentet teorike

Çmimi do të jetë 35 € për muaj (20€ banimi, 15 € ushqimi)”, shkruan kominiukata e Qendrës së Studentëve./Gazeta inFokus/

Të tjera