Qalaj: Kurti gaboi që i publikoi emrat e kriminelëve në veri, tani s’mund të arrestohen, kanë ikur në Serbi
Autori: Gazeta inFokus 23:47 | 08 June 2023
Deputeti i PDK-së dhe ish-komandanti i Policisë së Kosovës, Rashit Qalaj ka thënë se kryeministri i Kosovës, Albin Kurti ka gabuar që ka ekspozuar emrat e kriminelëve të dyshuar për dhunën në veri.
Duke folur në emisionin DPT te Fidani, Qalaj ka thënë se vendimi që Kurti t’i bëj publikë emrat e të dyshuarve në Kuvendin e Kosovës, ishte e gabuar.
“Kryeministri dhe presidenca në mënyrë të vazhdueshme marrin informacione nga AKI dhe Policia e Kosovës. Normalisht, ata kanë emrat e personave që kanë marrë pjesë në dhunën atje. Vendimi i kryeministrit që t’i thotë emrat e të dyshuarve, është shumë i gabuar”, ka thënë Qalaj.
Ai ka thënë se me këtë veprim, Kurti e ka bërë të pamundur që të dyshuarit të arrestohen nga Policia e Kosovës. Sipas tij, tashmë ata gjenden në Serbi.
“Pse? Për shkak të mundësisë që t’u thotë ikni se ju kemi hetuar. Pse kryeministri duhet t’i thotë emrat e kriminelëve në veri. Arrestimi i tyre është bërë i pamundur, sepse shumica e tyre, tash me siguri janë në Serbi”, ka deklaruar deputeti.
Ai ka pyetur Kurtin se përse nuk po ndërmerren masa edhe ndaj prijësve të Listës Serbe, Goran Rakiq e Igor Simiq, të cilët, sipas tij, kanë organizuar dhunën në veri.
“Fajtorët kryesorë janë Goran Rakiq dhe Igor Simiq. Ata kanë ftuar protestuesit e dhunshëm. Pse z. Kurti nuk i përmend kurrë ata? Ndoshta i duhen për negociata në të ardhme”, ka thënë Qalaj.
Kryeministri Albin Kurti ka publikuar sot emrat e disa prej personave që ka thënë se janë organizatorët kryesorë të trazirave në veri ditëve të fundit.
Sipas tij, rolin kryesor në organizimin e protestuesve po e kryejnë anëtarë e formacionit ilegal të së ashtuquajturës “mbrojtje civile” dhe ish-pjesëtarë të Policisë së Kosovës.
“Këto protesta me gjithë dashakeqësinë na kanë shërbyer të bëjmë identifikime të vlefshme”, ka thënë ai në Kuvend.
“Ata janë: Vladimir Radivojeviç, i cili ka njohje të drejtpërdrejtë me presidentin e Serbisë, Aleksandar Vuçiç. Danijel Djukiç, bashkë me një grup personash kanë hedhur shok bomba. Këta janë pjesë e grupit të Milan Radojçiçit të njohur për ndikim dhe veprimtari kriminale. Milos Djukiç, vëllai i Danijelit, dhe këta dy vëllezër kanë raporte shoqërore me djalin e presidentit të Serbisë, Vuçiç”, tha kryeministri Kurti.
Të tjera
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...
-
Gjuajtje me ąrmë zjąrri në Hajvali, policia jep detaje
Gjuajtje me armë zjarri janë raportuar të kenë ndodhur sot rreth orës 17:00 ...
-
Abdixhiku për raportin e DASH: Dëshmi e shqetësimeve të LDK-së
Kryetari i Lidhjes Demokratike të Kosovës, Lumir Abdixhiku raportin e Depart...
-
Kroacia mbështet hyrjen e Kosovës dhe Shqipërisë në BE
Kroacia mbështet hyrjen e Kosovës dhe Shqipërisë në Bashkimin Evropian. Kë...
-
Për fjalimin në KS të OKB “Nënat e Srebrenicës” e falënderojnë Osmanin: Do të mbahet mend
Organizata “Nënat e Srebrenicës” me bazë në Bosnje e ka falënderuar president...
-
Nagavci mirëpret vendimin për pezullimin nga puna të Xhevat Krasniqit
Ministrja e Arsimit, Arbërie Negavci, ka reaguar pasi profesori Xhevat Krasni...
-
Macron telefonon Kurtin, bën thirrje për zbatimin e marrëveshjeve ndërsa anëtarësimin në KiE e lidh me Asociacionin
Kryeministri i Kosovës, Albin Kurti ka pranuar një telefonatë nga Presidenti ...