Sport

Pyetjes së përjetshme i jep përgjigjje shkenca: Mesi është më i mirë se Ronaldo!

Autori: Gazeta inFokus 14:16 | 21 August 2019

Pyetja se cili prej atyre të dyve është më i mirë, ende mbetet një mister. Lojtarë të ndryshëm, por të dy yje që do të mbeten gjatë në historinë e futbollit.

Por, është shkenca që përpiqet t’i japë një përgjigje kësaj dileme, se cili prej Lionel Mesit, apo Kristiano Ronaldos, është më i mirë në sportin më popullor në botë.

Sipas një studimi të publikuar nga “Universiteti Katolik i Lyvenit” në Belgjikë, bashkë me kompaninë holandeze të specializuar në statistikat dhe të dhënat sportive, “SciSports”, thuhet se futbollisti më i fortë është Mesi.

Studimi në fakt, nuk prek vetëm golat apo asistet gjatë një ndeshje, por bazohet në një parametër të quajtur VAEP(Vlerësimi i Veprimeve në fushë përmes Vlerësimit të Mundësive). E thënë më thjesht, në studim janë marrë të gjitha ndeshjet nga sezonin 2013-14, deri në 2017-18, ku janë mbikëqyrur goditjet, pasimet, driblimet, apo çdo gjë që bën një lojtar në fushën e lojës, që sjell ndikim tek rezultati final, si në sulm, ashtu edhe në fazën mbrojtëse.

Sipas këtij parametri, vlerësimi për Mesin është 1.21 VAEP, ndërsa Ronaldo mbetet shumë larg, në kuotën 0.61. Studimi shprehet se vlerat e Mesit dhe Ronaldos ishin pothuajse të ngjashme në sezonet e para kur nisi edhe matja, por në sezonin 2015-16, “Pleshti” pati një rritje kundrejt rivalit të tij të përjetshëm.

Argjentinasi, sipas këtij studimi, ka një ndikim më të madh se Ronaldo, jo vetëm tek zona e portës kundërshtare, por në tërësi mbi të gjithë skuadrën.

Të tjera