Lajme

Putin vizitë në Iran, udhëtimi i dytë ndërkombëtar që nga fillimi i luftës në Ukrainë

Autori: Gazeta inFokus 15:27 | 19 Korrik 2022

Presidenti rus, Vladimir Putin, do të vizitojë Iranin të martën në vetëm udhëtimin e tij të dytë jashtë vendit që nga fillimi i luftës në Ukrainë, në shkurt.

Putin do të takohet me liderin suprem iranian Ayatollah Ali Khamenei dhe presidentin turk Rexhep Tajip Erdogan, transmeton Klankosova.tv.

Eksportet e grurit, Siria dhe Ukraina do të diskutohen në Teheran, ka thënë një zyrtar turk, shkruan BBC.

-Advertisement-

Udhëheqësi rus ka kufizuar vizitat e tij ndërkombëtare në ish-shtetet sovjetike që kur shpërtheu lufta në Ukrainë.

Në qershor, Putin bëri udhëtimin e tij të parë ndërkombëtar që nga shkurti, kur ai vizitoi Taxhikistanin dhe Turkmenistanin, të dy ish-anëtare të BRSS, tani të udhëhequr nga sundimtarët autoritarë dhe aleatë rusë.

Vizita e së martës do t’i ofrojë Putinit mundësinë për të thelluar lidhjet me Iranin, një nga pak aleatët ndërkombëtarë të mbetur të Moskës dhe një objektiv tjetër i sanksioneve ekonomike perëndimore.

Kjo vjen pas akuzave të zyrtarëve amerikanë javën e kaluar se Teherani po planifikonte të furnizonte Rusinë me qindra drone për luftën e saj në Ukrainë. Dhe të martën, gjigandi rus i energjisë Gazprom nënshkroi një marrëveshje të re zhvillimi me vlerë 40 milion dollarë (33 milion £) me kompaninë shtetërore të naftës të Iranit.

“Kontakti me Khamenei është shumë i rëndësishëm”, tha Yuri Ushakov, këshilltari kryesor i Putinit për politikën e Jashtme, në një konferencë për media të hënën.

“Një dialog besimi është zhvilluar mes tyre për çështjet më të rëndësishme në axhendën dypalëshe dhe ndërkombëtare”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy