Lajme

Putin takon ministrin kinez/ Diskutime për marrëdhëniet ushtarake mes dy vendeve

Autori: Gazeta inFokus 06:59 | 17 Prill 2023

Vizitën e parë pas marrjes së detyrës ministri kinez i Mbrojtjes Li Shangfu zgjodhi ta bënte në Rusi.

Ai u takua me u takuan me presidentin rus Vladimir Putin ndërsa përshëndeti lidhjet me Moskën.

“Ne kemi lidhje shumë të forta. Ato i kalojnë aleancat ushtarako-politike të epokës së Luftës së Ftohtë… Ato janë shumë të qëndrueshme,” tha ai gjatë bisedës së zhvilluar me shefin e Kremlinit.

-Advertisement-

Sipas tij lidhjet mes dy vendeve “tashmë kanë hyrë në një epokë të re”

Ndërkohë, shefi i Kremlinit nga ana tjetër përshëndeti bashkëpunimin ushtarak ndërmjet Rusisë dhe Kinës.

“Ne po punojmë gjithashtu në mënyrë aktive përmes departamenteve ushtarake, shkëmbejmë rregullisht informacione të dobishme dhe kryejmë stërvitje të përbashkëta,” tha Putin.

Udhëtimi i Li në Rusi, që do të zgjasë deri më 19 prill, vjen pas vizitës zyrtare në Moskë të udhëheqësit të Kinës Xi Jinping muajin e kaluar.

Moska dhe Pekini gjatë viteve të fundit kanë rritur bashkëpunimin, për të mos lejuar dominimin global të SHBA. Partneriteti i tyre është forcuar akoma më shumë pas nisjes së luftës në Ukrainë.

Edhe pse Kina pretendon se është palë neutrale në konfliktin e Ukrainës, Uashingtoni e ka akuzuar atë se po shqyrton mundësinë e eksporteve të armëve në Moskë, pretendime që Pekini zyrtar i mohon.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy