Lajme

Putin, shkronja Z dhe thirrjet “Rroftë Rusia” në rrugët e Beogradit për 9 maj

Autori: Gazeta inFokus 17:33 | 09 May 2022

Në Beograd është shënuar Dita e Fitores kundër Fashizmit në Luftën e Dytë Botërore. Manifestimi “Regjimenti i Pavdekshëm” ka sjellë në rrugët e kryeqytetit serb mesazhin se “Serbia dhe Rusia kanë qenë gjithmonë në anën e duhur të historisë”.

Pas paradës nëpër qendër të qytetit, pjesëmarrësit vendosën kurora dhe qirinj në Varrezat e Çlirimit të Beogradit,  aty u panë edhe ambasadori rus në Serbi Aleksandar Botsan Kharchenko dhe përfaqësuesit e qeverisë serbe ministrat Nenad Popoviq dhe Aleksandar Vulin, por asnjë zyrtar shtetëror nuk ka pranuar të flasë  për marrëdhëniet aktuale ndërmjet Serbisë dhe Rusisë, raporton H1 Beograd.

Ministri pa portofol në Qeverinë e Serbisë, Nenad Popoviq, theksoi se “Serbia dhe Rusia kanë qenë gjithmonë në anën e duhur të historisë” dhe tha se gjeneratat e sotme e kanë obligim “të mbrojnë dy vlerat më të mëdha të Serbisë – lirinë dhe pavarësinë”.

-Advertisement-

Në tubim, bashkë me thirrjet “Urra”, “Rroftë Rusia”, “Rroftë Putin”, është bartur një figurë prej letre me imazhin e presidentit rus, si dhe shkronjën e madhe “Z”, një simbol nën të cilin Trupat ruse hynë në Ukrainë më 24 shkurt. Por televizioni RTS ndryshe nga vitet e kaluara, nuk e transmetoi paradën drejtpërdrejt në Sheshin e Kuq të Moskës, në shënimin e 77-vjetorit të Ditës së Fitores.

Subscribe në YouTube: GAZETA INFOKUSI

Të tjera

Fokusi

lajme