Rozë

Puthja në buzë me të birin, revoltohet Adrola: Nuk më mëson njeri si t’i shpreh dashurinë djalit

Autori: Gazeta inFokus 16:39 | 25 July 2017

Ditë më parë, Adrola Dushi postoi një foto me të birin në rrjetet sociale ku shfaqej duke e puthur Troin, djalin e saj, në buzë.

Një moment i tillë ka ngjallur polemika në rrjete sociale dhe kritikat për këtë veprim ndaj modeles së njohur kanë qenë të shumta.

Për këtë arsye pak orë më vonë Adrola e fshiu këtë postim, pasi u gjend në një situatë shumë të vështirë, që ajo nuk e kishte menduar kurrë se një foto e tillë me djalin do të shkaktonte kaq debat.

-Advertisement-

E nxitur nga komentet negative, ajo bëri një postim të dytë ku shprehte shumë keqardhje që kritikat kishin arritur deri në ofendime personale.

“Doja mos të prishja qetësinë e pushimeve të mia, mos të merresha me komentet ofenduese dhe e fshiva këtë foto,shumë të dashur për mua, por që ka shkaktuar shumë polemika.

Jam e vetëdijshme që jo çdo postim i imi do shkaktojë simpatine tuaj, që jo çdo postim do të shkaktojë dashamirësinë tuaj,të cilën nuk ma keni kursyer asnjëherë; Por kurrë nuk kam pritur që të më ofendonit për mënyrën se si ia trasmetoj dashurinë tim biri.

Si t’i edukojmë fëmijët ka forma të caktuara, si t’ju flasim atyre ka forma të tjera. Çdo kush mund të të japi një këshillë se në çfarë forme t’i bëjmë këto gjëra. Gjithçka në jetë bëhet sipas disa formave vëtëm trasmetimi i dashurisë tek fëmija yt nuk mund të ketë formë as mënyrë.

Dashuria për fëmijën është ndjenja më e madhe në botë dhe asnjë psikolog, doktorr, i afërm apo kushdo qoftë nuk mund të të tregojë se si ta shfaqësh atë. Për gjithçka mund të më kritikoni, por vetëm se si e shfaq dashurinë ndaj fëmijës tim jo; aq më pak të më ofendoni”, shkruan Adrola.