Lajme

Punëtorët teknik të shkollave do vazhdojnë grevën derisa t’i marrin pagat

Autori: Gazeta inFokus 12:23 | 18 October 2017

Sindikata se Pavarur e Sektorit Privat të Kosovës së bashku me përfaqësuesit e punëtorëve teknik të gjashtë shkollave të komunës së Prishtinës kanë marrë vendim që të vazhdojnë grevën deri në marrjen e pagave të tyre.

Kryetari i Sindikatës së Pavarur të Sektorit Privat të Kosovës, Jusuf Azemi tha për gjendje alarmante të punëtorëve teknik fajtor kryesor është Qeveria e Kosovës e cila nuk i ka alokuar mjetet tek komuna e Prishtinës.

Azemi duke i mbështetur punëtorët teknik ka bërë të ditur se nuk do të vazhdojnë të punojnë nëse pagat nuk i marrin dhe nuk zbatohet ligji dhe marrëveshja kolektive.

-Advertisement-

“Ne për këtë ngufatje të gjendjes çfarë jemi, fajtore kryesor sipas informatave zyrtare është Qeveria e Kosovës për të cilën nuk i ka alokuar mjetet tek komuna e Prishtinës dhe komuna e Prishtinës t’i dedikoj paratë tek kompania dhe kompani t’i përcjell tek punëtorët. Ne aty ku jemi organizuar kemi bërë të dijshëm se nuk do të punojmë për asnjë sekondë në asnjë shkollë, në asnjë kompani nëse pagat dhe nuk zbatohet ligji dhe marrëveshja kolektive”, tha Azemi.

Ai po ashtu tha se për krerët e shtetit nuk kanë nevojë për alokim të mjeteve derisa për ata që iu shërbejnë atyre ka pengesë për alokim të mjeteve.

“Kryeministrit, kryetarit të shtetit, kryeparlamentarit dhe të gjitha institucioneve tjera edhe kryetarit të komunës së Prishtinës do të thotë ata nuk kanë nevojë për mjete sepse asnjëherë nuk po bëhet pengesë alokimi i mjeteve. Do të thotë për ata të cilët ne shërbejmë nuk ka pengesa për alokimin për ne ka pengesa për alokimin”, tha ai.

Ai tha se gjendja e punëtorëve është e tmerrshme pasi që ata kanë edhe kredi dhe banka po i sanksionon ata për shkak të mos pagesës së kësteve.

Ndërkaq,përfaqësuesi i punëtorëve teknik i gjashtë shkollave të Prishtinës, Milaim Sopi është deklaruar se do të vazhdojnë grevën derisa t’i marrin pagat e tyre për muajt e mbetur pa paguar.

Ai po ashtu tha se atyre nuk iu intereson fajtori i kësaj gjendje, por iu intereson vetëm t’i marrin pagat e tyre dhe t’i paguajnë kredit në bankë.

“Ne gjendemi në grevë dhe do të rrimë në grevë derisa ti marrim pagat tona, ne faktikisht nuk po na intereson kush është fajtori, neve na interesojnë vetëm pagat tona, t’i marrim pagat tona , t’i paguajmë kreditë që i kemi nëpër bankat tona dhe asgjë tjetër”, tha ai.

Ai tha se probleme për rrogat e tyre kanë pasur edhe për muajin gusht, ku u detyruan që të organizojnë grevë për të arritur qëllimin e tyre për marrjen e pagës.

Ndryshe, 74 punëtorët teknik të gjashtë shkollave fillore të komunës së Prishtinës kanë hyrë përsëri në grevë për shkak të mos marrjen e pagave të tyre për muajin gusht dhe shtator.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’

Të tjera