Lajme

Publikohen pamjet nga lëvizja e Forcave Rezervë Britanike nëpër Kosovë

Autori: Gazeta inFokus 19:04 | 28 September 2024

Kanali zyrtar i Shtabit të Përhershëm të Përbashkët i Mbretërisë së Bashkuar, ka shpërndarë disa fotografi të lëvizjeve që Forca Rezervë Britanike po i bën në Kosovë.

Në postimin e tyre në platformën ‘’X’’, kanë shkruar se kalimi transit i Forcave Rezervë Strategjike, thekson angazhimin e NATO-s dhe Mbretërisë së Bashkuar në rajon.

“Grupi i Betejës 1 Yorks ka kaluar përgjatë Korridorit VIII të korridoreve Pan-Evropiane. Ky shirit i asfaltit është i një rëndësie strategjike për Ballkanin dhe BE-në në përgjithësi. Kalimi transit i Forcave Rezervë Strategjike thekson angazhimin e NATO-s dhe Mbretërisë së Bashkuar në rajon”, shkruhet në kanalin Defence Operations në X.

-Advertisement-

Gjatë muajit shtator, në Kosovë mbërritën rreth 300 trupa shtesë rezervë nga Britania e Madhe në kuadër të KFOR-it.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera