Lajme

Psikologu Thaçi: Dhuna ndaj fëmijës, më e pakta që mund të pritet nga edukatorët

Autori: Gazeta inFokus 19:20 | 19 September 2023

Rastin e dyshimit të dhunës së shkaktuar ndaj një fëmije në një çerdhe në Fushë Kosovë, psikologu Petrit Thaçi vlerëson se është më e papritura që do të duhej të ndodhte edhe si imagjinatë nëpër institucionet e edukimit parafillor e fillor, por edhe në çdo institucion tjetër e në çdo hapësire tjetër sociale a familjare.

“Është e neveritshme, është shumë shqetësuese, frustuese edhe për prindërit që shohin se ku po i dorëzojnë fëmijët e tyre për t’i edukuar, përkrahur e mbështetur e për s’i siguruar gjatë orëve të ditës sa ata nuk mund të jenë me ta”, deklaroi ai në emisionin Info Magazine në Klan Kosova.

Tutje ai shtoi se është fatkeqësi të ketë nëpër institucionet edukative persona, siç tha, me papërgjegjësi totale profesionale, e cila është edhe papërgjegjësi e lartë në kuptimin e etikës dhe disiplinës mbi profesionin.

“Nuk mundet një edukator, mësues, pedagog, psikolog ose punëtor social t’i qaset një fëmije në formën duke e arsyetuar që ‘e bëri ose nuk bëri këtë veprim’. Ne duhet të jemi njohës të mirë të zhvillimit të gjendjeve psikologjike dhe emocionale dhe të sjelljes nëpër të gjitha grupmoshat e të gjitha fazat e zhvillimit që t’i kuptojmë”, deklaroi psikologu Thaçi.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

SHKUNDEN ÇMIMET për Ramazan!

Të tjera

Fokusi

lajme