Lajme

Pse vdiq Alexei Navalny? Autoritetet i dorëzojnë nënës së opozitarit rus certifikatën e vdekjes

Autori: Gazeta inFokus 09:26 | 23 February 2024

Autoritetet ruse kanë deklaruar se Navlny ka vdekur nga shkaqe natyrore. Ekipi i kritikut të ashpër të presidentit rus Vladimir Putin, pretendon se ka parë certifikatën e tij të vdekjes.

Sipas tyre, shkaku i vdekjes është renditur si “shkaqe natyrore”.

“Raporti mjekësor mbi vdekjen i treguar nënës së Alexei Navalny thoshte se shkaqet e vdekjes ishin të natyrshme”, tha Kira Yarmysh.

-Advertisement-

Ndërkohë Lyudmila Navalnaya tha se ligji i detyron zyrtarët të dorëzojnë trupin e djalit të saj, por shtoi se po “shantazhohet”.

Zonja Navalnaya udhëtoi për në qytetin verior rus të Salekhard pas lajmit për vdekjen e të birit. Ajo i bëri thirrje personalisht presidentit rus Vladimir Putin që ta lejojë që ta varros të birit. Nuk pati asnjë përgjigje të menjëhershme nga autoritetet ruse.

Navalny vdiq në burg më 16 shkurt. Zyrtarët thanë se ai u sëmur gjatë ajrosjes. E veja e tij Yulia Navalnaya ka pohuar se ai u vra me urdhër të Putinit dhe u zotua të vazhdojë luftën. Kremlini i ka mohuar akuzat, duke e quajtur “histerik” reagimin perëndimor për vdekjen.

E veja e tij kishte pohuar më herët se ai ishte helmuar me Novichok, një agjent nervor./abcnews.al

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy