Pse modeli i Tirolit Jugor po shihet si i dëmshëm për Kosovën
Autori: Gazeta inFokus 07:04 | 17 May 2023
Qeveria e Kosovës tashmë është përcaktuar se për Asociacion, preferon ta ndjekë modelin kroat. Por nga diplomatë të huaj jo rrallë është përmendur edhe modeli i Tirolit Jugor. Ky model një ditë më parë u përmend edhe nga eurodeputeti austriak Lukas Mandl.
Modeli kroat dhe Tiroli Jugor janë dy prej modeleve më të dëgjuara ditëve të fundit, kur bëhet fjalë për themelimin e Asociacionit të komunave me shumicë serbe.
Kryeministri Kurti në Bruksel, por edhe në Prishtinë, po e promovon modelin kroat, ndërsa austriakët e shohin Tirolin Jugor të Italisë si zgjidhje për serbët e Kosovës. Këtë e ritheksoi edhe të hënën eurodeputeti austriak, Lukas Mandl.
Derisa modeli kroat vepron si Këshill Kombëtar i Serbëve dhe merret me vetëqeverisjen e serbëve që jetojnë në Kroaci, si dhe me aspektin e të drejtave të njeriut dhe integrimit të tyre në shoqërinë kroate, Tiroli Jugor është provincë autonome me nivel të lartë të vetëqeverisjes, me të drejta të zgjeruara legjislative dhe ekzekutive, dhe një regjim fiskal që e lejon të mbajë për vete 90 për qind të të ardhurave.
Se çfarë modeli është, e thotë njëri nga ambasadorët që përfaqësoi Kosovën në Itali.
”Është autonomi e koncentruar, territoriale, administrative, politike, legjislative, nuk mendoj se në Kosovë një autonomi e koncentruar, do ta shndërrojë Kosove në një administrim funksional,me qeverisjen qendrore do të jetë i vështire”, tha për RTK-në Albert Prenkaj, ish ambasador i Kosovës në Itali.
Njëjtë mendon edhe profesori universitar, Afrim Hoti.
“Kur flasim për këtë model flasim për ndryshim rrënjësor të rendit kushtetues dhe ligjor të Kosovës. Modeli kroat do të mund të ishte më i përafërt, ndërkohë që modeli i Tirolit Jugor, shënon forma të avancuara territoriale, do të ishte i dëmshëm në rastin e Kosovës dhe i pazbatueshëm”, ka thënë Afrim Hoti- profesor universitar.
E kur flasim për modelin kroat, Ana Holjevac-Tukovic, që dikur ka kontribuar në arritjen e marrëveshjes për integrimin e pakicave në Kroaci, mendon se ky model i përgjigjet rastit të Kosovës.
“Modeli kroat është një praktikë e mirë në procesin e integrimit paqësor, që nuk cenon integritetin territorial të shtetit dhe nuk krijon as ndarje politike, duke respektuar po ashtu simbolet e shtetit amë. Ky model mund të aplikohet edhe në Kosovë, nëse serbët e Kosovës krijojnë komunikim me Prishtinën dhe respektojnë legjislacionin e shtetit kosovar, siç ndodh në Kroaci”, ka thënë Ana Holjevac-Tukoviç nga Qendra e Arkivit të Luftës në Kroaci.
Derisa Kosova, Brukseli dhe Uashingtoni kanë thënë se janë kundër krijimit të një Republike Serbe, Serbia vazhdimisht insiston që Asociacioni të ketë kompetenca ekzekutive.
Të tjera
-
Kurti shkon për vizitë te familja e Mikullovcit në përvjetorin e vdekjes: I paharruar e i nderuar gjithmonë
Kryeministri i Kosovës, Albin Kurti i ka shkuar në vizitë familjes së të ndje...
-
Haradinaj kujton Betejën e Kaqanollit: Ishte ndër betejat më të rëndësishme të UÇK-së
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
Vulin: S’duhet të anëtarësohemi në BE nëse na kërkohet njohja e Kosovës, duhet të forcohemi ushtarakisht
Zëvendëskryeministri i Serbisë Aleksandar Vulin ka kërkuar që rruga e Serbisë...
-
Pesë të lënduar në aksidentin në rrugën Mitrovicë – Prishtinë, dy automjete të përfshira
Pesë persona janë lënduar si pasojë e një aksidenti në mesditë ndërmjet dy au...
-
Rama paralajmëron bizneset për vitin tjetër: S’ka plazhe për restorantet, shezllone për hotelet vetëm për aq sa kanë dhoma
Nga viti tjetër turizmi shqiptar do jetë përballë ndryshimeve thelbësore. Kry...
-
Kurti: Pabarazia gjinore të luftohet, e kemi obligim
Kryeministri i Kosovës, Albin Kurti ka thënë se çdo diskriminim ndaj grave du...
-
“Shkoni hapeni Urën pa KFOR-in”: Ramadani reagon pas sulmeve që Feraj i Kurtit i bëri Haradinajt
Hysamedin Feraj, i njohur për logjikë të pervertuar në komentimin e ngjarjeve...
-
Bien temperaturat, parashikimi i motit për javën e ardhshme
Në Kosovë për pesë ditët e ardhshme do të mbajë mot me diell, vranësira të sh...
-
Sulmòhet një polic brenda stacionit policor Jugu në Prishtinë
Rastet kur zyrtarët policorë ballafaqohen me kanosje serioze dhe sulme fizike...
-
Bastisja e FBI-së, Melania Trump akuzon qeverinë amerikane për shkelje të privatësisë
Ish-zonja e parë Melania Trump të shtunën akuzoi qeverinë amerikane për shkel...
-
Këshilltari i Kurtit sulmon rëndë Haradinajn: Ndoshta i jep tokë Serbisë si Malit të Zi
Hysamedin Feraj, këshilltar i Kryeministrit të Kosovës, Albin Kurtit, ka prov...
-
Kryetarja e Komisionit Evropian më 19 shtator takon liderët e Ballkanit Perëndimor
Presidentja e Komisionit Evropian, Ursula von der Leyen ka ftuar për këtë të ...