Pse koalicioni i ri qeverisës gjerman e shpall Gjermaninë “vend për të huaj”?
Autori: Gazeta inFokus 11:28 | 16 December 2021
Sepse sipas Entit Federal të Statistikave të shtetit gjerman nr. i vdekjeve në vit ka arritur në afro 1 mil., kurse i lindjeve në afro 780 mijë. Pastaj, mbi 1 mil. gjermanë e lëshojnë vendin në vit, kurse 1.2 mil. të huaj hyjnë brenda vitit. Telashja e madhe është se ata shumë gjermanë që e lëshojnë vendin janë shumica të shkolluar dhe lënë zbraztësira të mëdha në trurin dhe ekonominë gjermane.
Shkruan: Agron HOTI
E sikur të dëgjohej zëri i popullistëve të ekstremit të djathtë (AfD dhe Pegida) dhe kritikëve tjerë për të mos të lejuar fare të huaj, atëherë Gjermania për çdo vit humb nga 1.2 milionë njerëz (vdekjet plus ikjet minus lindjet).
Duke marrë parasysh tendencën tanimë në rënie të numrit të lindjeve dhe plakjen e popullsisë i bie që nëse Gjermania deri në vitin 2100 nuk pranon nga së paku 1 mil. të huaj në vit atëherë do të zhduket si komb.
Viti 2020 është viti i parë që nga 2011 kur Gjermania shënon zero rritje të popullsisë, sepse ishte Covidi që ndali imigracionin bashkë me rritjen e numrit të vdekjeve dhe rënien e lindjeve. Edhe qytetet e mëdha të Gjermanisë që nga viti 2020 janë ndalur së rrituri. Në vitin 2011 28.7% e qytetarëve kanë jetuar në qytete të mëdha, kurse në 2020 29.4% ose 24.5 milionë qytetarë. Nuk pritet më rritje e qyteteve të mëdha, përkundrazi.
Pra, po të pyesësh votuesit e popullistëve dhe jo vetëm, ata janë kategorikisht kundër të huajve, ndërsa shteti gjerman tanimë është dorëzuar para nevojës për sa më shumë të huaj ndaj dhe ka filluar ta ‘zbusë’ legjislacionin për të joshur imigracionin.
E qeveria aktuale do të duhet të notojë mes interesit kombëtar për sa më shumë të huaj, vështirësisë së integrimit të tyre dhe presionit të qytetarëve të mbështetur nga forcat politike sidomos ato populliste për të mos lejuar ndryshimin e strukturës së popullsisë. Shtyrja e moshës së pensionimit dhe rritja e automatizimit në punë do të zbusë sadopak nevojën për të huaj, por nuk do të mund ta zëvendësojë tërësisht atë.
Prandaj, nuk do të jetë fare çudi, që Gjermania kah viti 2080-2100 të ketë shumicën e popullsisë me prejardhje të huaj (Migrationshintergrund). Në vitin 2020 në Gjermani kishte 21.9 milionë qytetarë me prejardhje të huaj, pra 26.7% e popullsisë totale. Nga këta të huaj 7.9 milionë gëzonin të drejtën e votës në zgjedhjet parlamentare të shtatorit 2021 që përbënin 13% të numrit të të gjithë votuesve në Gjermani.
Ashtu siç është keq Gjermania, edhe më keq është Italia. Sfida për këto dy shtete dhe jo vetëm do të jetë se ku te gjejnë të rinj, mundësisht të shkolluar, për të mbajtur gjallë ekonomitë e tyre në rënie dhe sistemet sociale në tkurrje. Shqiptarët dhe tërë Ballkani nuk do të jenë në gjendje të prodhojnë fëmijë sa ka nevojë Gjermania, Italia dhe tërë pjesa e Evropës Perëndimore.
Të tjera
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...