Ekspertët theksojnë që gjithsesi duhet të bëhet pjesë e ushqimit të përditshëm. Më së shpeshti përdoret në kulturat lindore, ndërsa u shtohet llojeve të ndryshme të pemëve dhe perimeve.
Xhenxhefili do t’u japë shije të veçantë të gjitha ushqimeve tuaja, dhe njëkohësisht do t’i bëjë edhe më të shëndetshme.
Xhenxhefili është rrënjë gungaçe që kryesisht rritet në Australi, Xhamajkë, Indi dhe Kinë. Xhenxhefili me mijëra vjet përdoret për qëllime shëruese, ndërsa për shkencëtarët është burim i pashtershëm i hulumtimit.
Është duke u bërë gjithnjë e më i popullarizuar në kuzhinat e gjithë botës, ndërsa i shkon për shtati edhe fakti që është në dispozicion në forma të ndryshme, dhe më së shpeshti si rrënjë dhe në formë të pluhurit.
Xhenxhefili është treguar zgjidhje e shkëlqyeshme për personat me oreks të dobët. Mirë do të ishte nëse do të kishit konsumuar pak xhenxhefil para drekës.
Koha e drekës është koha e ditës kur niveli i energjisë reduktohet në mënyrë natyrale, prandaj është e nevojshme që atë energji ta rritni me një shujtë të begatshme, por edhe të shëndetshme.
Si ta përdorni xhenxhefilin?
Për fyt. – Përzini xhenxhefilin e grimcuar dhe një lugë mjaltë. Menjëherë do të vëreni lehtësim.
Për tërë organizmin. – Përzini pak domate, xhenxhefil, kripë dhe borzilok. Kjo sallata ka veçori të shkëlqyeshme antioksidative të cilat do të reduktojnë rrezikun nga krijimi i sëmundjeve të ndryshme.
Supa e shëndetshme. – Në supë shtoni një lugë xhenxhefil të grimcuar. Supa do të jetë më e shijshme, por edhe më e shëndetshme.
Messhujtë e shëndetshme. – Zieni patatet, përzieni me hudhër dhe xhenxhefil të grimcuar. Shtoni pak mëlmesa të freskëta sipas dëshirës dhe shijoni.
Mëlmesë. – Përzini limonin me xhenxhefil. Përzierjen mund ta përdorni në oriz, pastë ose patate. Kështu dreka juaj do të bëhet më e shijshme.
Për energji. – Për ‘smoothie’ të preferuar shtoni pak xhenxhefil të grimcuar që energjia juaj të jetë në nivel të lakmueshëm.
