Pse disa njerëz nuk zbatojnë rregullat kundër pandemisë?
Autori: Gazeta inFokus 18:16 | 15 August 2020
Masat e izolimit dhe distancimit fizik, që janë prezantuar në gjithë botën për të parandaluar përhapjen e virusit të ri, janë duke riformësuar jetën e njeriut dhe janë duke krijuar norma të reja shoqërore.
Mirëpo ekzistojnë gjithmonë disa persona që nuk zbatojnë këto vendime, përcjellë Klan Kosova.
Shkelja e rregullave nuk është fenomen i ri, mirëpo shkencëtarët që merren me sjelljet shoqërore thonë se situata është duke u përkeqësuar përgjatë pandemisë me koronavirus për shkak të faktorëve kulturorë, demografikë dhe psikologjikë, që mund të bëjnë mospërfillësit të duken më egoistë edhe më të rrezikshëm.
Këtu janë disa prej pyetjeve dhe përgjigjjeve sa i përket shkencës që studion sjelljet shoqërore teksa përhapet sëmundja COVID-19, që shkakton koronavirusi.
Çfarë ndikon që disa të zbatojnë rregullat dhe të tjerët të mos i përfillin ato?
Faktor kyç është individualizmi vs. kolektivizmi.
“Disa shtete kanë tendenca të jenë më shumë në anën e individualizmit, që ka të bëjë me shprehjen e identitetit dhe atë se kush jeni ju si individ”, ka thënë Jay Van Bavel, profesor i asociuar i psikologjisë në Universitetin e Nju Jorkut, për agjencinë e lajmeve, Reuters.
Njerëzit në kulturat individualiste kanë më shumë tendenca të kundërshtojnë rregullat dhe të injorojnë përpjekjet e autoriteteve të shëndetit publik që të “nxisin” ndryshimet në sjellje përmes mesazheve për rrezik apo thirrjeve për altruizëm.
“Shembull, nëse thoni se vendosja e maskës do të ndihmojë në mbrojtjen e të tjerëve, njerëzve në kulturat individualiste kjo gjë nuk ju bën përshtypje”, ka thënë Michael Sanders, ekspert në Institutin për Politika në Kolegjin King të Londrës.
Në kulturat kolektive, njerëzit kanë më shumë mundësi të bëjnë atë se çfarë është më e mirë për grupin.
Hulumtuesit kanë thënë se Shtetet e Bashkuara dhe Britania kanë qenë shembuj të kulturave individualiste, derisa kulturat aziatike kanë qenë më shumë nga ana kolektive.
A janë të rëndësishme besimi dhe frika?
Po. Këto dhe instinkte tjera kanë ndikim të madh në sjelljen e njeriut.
Në shoqëritë me më shumë ndasi politike, njerëzit kanë më pak tendencë t’iu besojnë këshillave nga njëra palë apo tjetra, dhe tentojnë të krijojnë kampe pro dhe kundër.
Optimizmi dhe frika po ashtu kanë rëndësi të madhe. Pak nga secila mund të kenë ndikim pozitiv, mirëpo shumë nga ndonjëra prej tyre mund të shkaktojë dëm.
“Në situata si kjo me pandeminë (optimizmi) mund të çojë drejt situatave që janë jashtëzakonisht të rrezikshme”, ka thënë Van Bavel.
Pse është i vështirë distancimi fizik?
“Ne jemi vërtet kafshë sociale”, ka thënë Van Bavel.
“Trupat tanë dhe truri janë të dizajnuar për t’u lidhur dhe pandemia në shumë mënyra shkon kundër instinkteve për bashkim”.
Siç shkruan REL, kjo është pjesërisht arsye pse shpërthimet e virusit ndodhin nëpër bare, klube të natës, ceremoni fetare, dasma, apo ndenja tjera.
“Njerëzit e kanë shumë të vështirë t’i rezistojnë tendencës për lidhje shoqërore dhe asaj grupore”.
Nëse mospërfillësit e rregullave janë të paktë, pse ka rëndësi kjo gjë?
“Problemi është se në një problem masiv kolektiv si ky me të cilin po përballemi tani, nëse të gjithë shkelin rregullat për pak, atëherë nuk përbën ndryshim nëse shumë njerëz që nuk zbatojnë rregullat aspak”, ka thënë Sanders.
Të tjera
-
Perëndimi duhet të jetë në gjendje lufte
Nga: Anders Fogh Rasmussen, ish-sekretar i përgjithshëm i NATO-s (2009-‘14) d...
-
LAJMI I FUNDIT: Martin Berishaj po intervistohet në Prokurorinë Speciale
Martin Berishaj ambasadori i Kosovës në Kroaci, është duke u intervistuar nga...
-
Gërvalla në Kalabri të Italisë: Të shfrytëzojmë resurset dhe të forcojmë urat e bashkëpunimit
Ministrja e Punëve të Jashtme dhe Diasporës, Donika Gërvalla është duke qëndr...
-
Krasniqi takohet me Gorçeviqin e Malit të Zi, dakordohen për thellim të bashkëpunimeve
Ministri i Administrimit të Pushtetit Lokal, Elbert Krasniqi priti në takim m...
-
Serbi: Raporti i KE-së për Kosovën shihet si gjest armiqësor
Miratimi i raportit që i hap rrugën Kosovës për anëtarësim në Këshilin e Evro...
-
Kroacia nis procedurat për njohjen e patentë shoferëve të Kosovës
Qeveria e Kroacisë ka nisur procedurat për njohjen e ndërsjellë të patentë sh...
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...
-
Kurti sot takohet me studentët romë, ashkali dhe egjiptianë
Kryeministri i Kosovës, Albin Kurti, sot do të takohet me disa nga studentët ...