Lajme

PSD me aksion në oborr të Qeverinë, kërkojnë nga Kurti t’i largojë disa persona nga partia

Autori: Gazeta inFokus 12:00 | 08 March 2024

Partia Socialdemokrate ka realizuar edhe sot aksion në oborrin e Qeverisë së Kosovës.

Para hyrjes së objektit, aktivistë të PSD-së, kanë shkruar me ngjyrë një porosi për kryeministrin Albin Kurti.

“Kryeministër kryej punët e shtëpisë, largoj konservatorët prej partisë”, është fjalia përmes së cilës po kërkojnë largimin e disa deputetëve të Lëvizjes Vetëvendosje, të cilët dolën kundër projekt ligjit për Kodin Civil.

-Advertisement-

Shkrimi i plotë nga Dardan Molliqaj:

Dorëzimi para konservatorismit nuk tregon për forcën e grupeve të tilla, por kalkulim të qeverisë përmes partisë. Diversiteti është kthyer në alibi për bashkekzistencë të të kundërtave, brenda të njëjtit subjekt. Ata i thonë demokraci, por në të vërtetë paraqet koalicion me konservatorizmin dhe patriarkalizmin. E si mund të pritet ndryshe nga një model i politikanit që udhëheq përmes figurës së njëshit?

Ankesat se si nuk po ju dëgjojnë deputetët nuk janë bindëse nëse jeni të heshtur para tyre. Për më tepër që ne e dimë disiplinën brenda partisë tuaj kur prekën kornizat politike. Apo mbase kjo është shenjë se si mbështjellësi politik e ideologjik i juaji ka material konservator tashmë, dhe ruajtuja e asaj çfarë keni arritur është synimi, përtej kauzave.

Propozimi i ligjeve, por braktisja e debatit publik për ato, na lë ta kuptojmë se ju po rriteni duke mirëmbajtur dhe shpesh ushqyer rryma të dëmshme për shoqërinë dhe gratë në veçanti.

Kryeministër kryej punët e shtëpisë!

Largoj konservatorët prej partisë!

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

lajme