Lajme

Protestuesit vazhdojnë të jenë prezent afër objekteve të komunave në veri

Autori: Gazeta inFokus 13:41 | 29 May 2023

Që nga orët e hershme të mëngjesit, grupe të serbëve janë mbledhur para objekteve të komunave në veri për të kundërshtuar futjen në zyre të kryetarëve të sapo zgjedhur.

Protestuesit serbë ende po vazhdojnë të qëndrojnë para objekteve, ndonëse aty ka prani të madhe të KFOR-it dhe Policisë së Kosovës.

Situata kryesisht është e qetë pavarësisht provokimeve të vazhdueshme të protestuesve. Automjete të KFOR-it, Policisë dhe mediave janë ngjyrosur duke u vendosur simbole nacionaliste serbe dhe të Rusisë.

-Advertisement-

Në mëngjes policia është detyruar të përdorë sprej për të larguar turmën e cila dhunshëm ka tentuar të futet në objektin e komunës së Zveçanit.

Ndërkohë përfaqësuesit ndërkombëtarë në Kosovë po bëjnë thirrje për gjetjen e menjëhershme të dialogut dhe uljen e tensioneve nga të dyja palët.

Subscribe në YouTube: GAZETA INFOKUSI