Protestuesit thyejnë derën e Kuvendit të Serbisë, policia gjuan gaz lotsjellës
Autori: Gazeta inFokus 21:06 | 24 December 2023
Dera e Kuvendit të Serbisë është thyer dhe policia ka hedhur gaz lotsjellës ndaj protestuesve, të cilët protestuan për të shtatën herë me ftesën e opozitës, e cila po kërkon anulimin e zgjedhjeve në Serbi.
Më herët, përfaqësuesit e listës opozitare “Serbia kundër dhunës” tentuan të hynin në ndërtesën e Kuvendit, në mënyrë që t’iu adresoheshin qytetarëve nga ballkoni i Kuvendit.
Ata shtyn derën, por nuk arritën të hynin, pasi u parandaluan nga policia.
Një pjesë e protestuesve thyen xhamat e dyerve dhe dritave të ndërtesës. Policia e përgjigj me gaz lotsjellës.
Në hyrjen kryesore të Kuvendit, një zyrtar policor u tha protestuesve se “hyrja me forcë është vepër penale”.
Pas incidenteve para Kuvendit serb, përmes një adresimi për publikun nga Presidenca e Serbisë, Aleksandar Vuçiq, u tha qytetarëve serbë që të mos shqetësohen dhe “se asnjë revolucion nuk është duke u zhvilluar, dhe ne po mundohemi që të mos lëndojmë asnjë nga demonstruesit përmes një reagimi të lehtë”.
Megjithatë, presidenti serb tha se autoritetet nuk do të lejojnë që protestuesit të shkatërrojnë vendin.
Protesta e 24 dhjetorit nisi para selisë së Komisionit Republikan Zgjedhor, ku mijëra qytetarë u mblodhën me ftesë të koalicionit opozitar, “Serbia kundër dhunës”, që nuk njeh rezultatet e zgjedhjeve të 17 dhjetorit, pasi sipas opozitës, Partia Progresive Serbe (SNS) në pushtet ka fituar zgjedhjet përmes mashtrimeve zgjedhore.
Kërkesa për anulimin e zgjedhjeve në të gjitha nivelet po kërkohet për shkak të, siç është thënë, “pengimit të vullnetit të qytetarëve”.
“Këto zgjedhje po anulohen”, tha Marinika Tepiq, udhëheqëse e listës “Serbia kundër dhunës”, e cila gjendet në grevë urie që nga 18 dhjetori, në shenjë proteste me rezultatet zgjedhore.
Disa politikanë opozitarë gjatë kësaj jave iu bashkuan asaj në grevë të urisë, duke kërkuar përsëritjen e zgjedhjeve.
“Ne duhet të rregullojmë ligjet për zgjedhjet”, tha Sërxhan Milivojeviq nga Partia Demokratike, i cili mori pjesë në protestë.
“Ne kemi fituar në Beograd, Beogradi është qytet i lirë”, shtoi ai.
Protestuesit mbajtën pankarta, flamuj të Serbisë dhe të Bashkimit Evropian, dhe brohoritën “hajna”.
Udhëheqja shtetërore dhe SNS-ja kanë mohuar kritikat nga vëzhguesit vendorë dhe ndërkombëtarë dhe nga zyrtarët, si dhe kritikat e bëra nga lista “Serbia kundër dhunës”.
Komisioni Republikan Zgjedhor më 24 dhjetor njoftojë se ministritë e linjës kanë kontrolluar listën zgjedhore dhe kanë ardhur në përfundim se pretendimet e listës “Serbia kundër dhunës” se numri i votuesve me të drejtë vote në zgjedhjet lokale në Beograd ishte rritur në mënyrë artificiale për të ndikuar në rezultat zgjedhor, “nuk ishin të vërteta”.
Ndërkaq, presidenti serb, Aleksandar Vuçiq, tha të dielën se vetëm institucionet shtetërore mund të vendosin nëse zgjedhjet duhet të përsëriten, duke deklaruar se zgjedhjet u mbajtën në atmosferë demokratike “dhe ishin zgjedhjet më paqësore në historinë moderne”.
Misioni vëzhgues i Organizatës për Siguri dhe Bashkëpunim në Evropë tha më 18 dhjetor se zgjedhjet u përshkruan me parregullsi serioze, keqpërdorim të fondeve shtetërore, me fushatë negative dhe përhapje të frikës.
Ndërkaq, eurodeputetët kanë kërkuar hetim të pavarur për të gjitha parregullsitë në zgjedhjet parlamentare, lokale dhe krahinore të mbajtura më 17 dhjetor, shkruan REL.
Shtetet e Bashkuara po ashtu u kanë bërë thirrje autoriteteve në Serbi që të hetojnë pretendimet për parregullsi të bëra nga vëzhguesit ndërkombëtarë.
SNS-ja ka shpallur fitoren në të gjitha nivelet.
Të tjera
-
Grabitje me ārmë në një këmbimore në qendër të Prishtinës, arrestohet njëri nga të dyshuarit
Një grabitje me armë zjarri ka ndodhur sot rreth orës 15:00 në një këmbimore ...
-
Akoma nuk ka padi për Banjskën, flasin nga kryeprokuroria
Kanë kaluar më shumë se tetë muaj nga sulmi terrorist në Banjska të Zveçanit,...
-
Kosova nën masa të BE-së, komisioni për Punë të Jashtme në takim me ambasadorin Rohde
Anëtarët e komisionit për Punë të Jashtme dhe Diasporë janë takuar me Ambasad...
-
Policia ia publikon fotografinë një gruaje që dyshohet për vjedhje, kërkon ndihmë për kapjen e saj
Policia në Prishtinë ka publikuar fotografinë e një të dyshuare për një rast ...
-
Ish kryeministri britanik, Tony Blair vjen në Kosovë, Kuvendi njofton për seancë solemne
Ish kryeministri i Britanisë së Madhe, Tony Blair, do të vij në Kosovë. Kj...
-
Meloni në Shqipëri: Marrëveshja për emigrantët, model për vendet e tjera të BE-së
Kryeministrja e Italisë, Giorgia Meloni, i vizitoi të mërkurën dy qendrat për...
-
Lajcak në KiE: Njoftova shtetet anëtare për sfidat në dialog, për ta forcuar pozitën tonë në rajon duhet unitet
Emisari i BE-së për dialogun Kosovë-Serbi, Miroslav Lajcak, ka qëndruar për n...
-
Prokuroria Speciale konfirmon se i ka ndaluar për 48 orë dy të dyshuarit për spiunazh
Prokuroria Speciale ka konfirmuar se i ka ndaluar për 48 orë dy të dyshuarit ...
-
Stano: Lajcak vazhdon të mbetet emisar me angazhim të plotë, urgjente të zbatohet Marrëveshja e Orhit
Zëdhënësi i BE-së, Peter Stano, në një konferencë për media ka thënë se s’ka ...
-
Pritet dorëzimi i raportit për mundësinë e heqjes së masave ndaj Kosovës
Gjatë javës së ardhshme pritet që shefi i diplomacisë evropiane, Josep Borrel...
-
Takimi i Presidentes me kryetarët e komunave: Të përkrahen viktimat e dhunës mbi baza gjinore
Presidentja e Kosovës, Vjosa Osmani, ka kërkuar nga komunat e Kosovëë të japi...
-
Kurti porositë bashkatdhetarët: Vota juaj në zgjedhjet në zgjedhjet e BE-së, përgjigja jonë
Këtë të diel, më 9 qershor, në 27 vende anëtare të Bashkimit Evropian do të m...