Lajme

Protestohet para parlamentit në përkrahje të punëtoreve teknike

Autori: Gazeta inFokus 09:50 | 07 October 2024

Nga ora 12:00 do të protestohet patra objektit të parlamentit të Kosovës në mbështetje të punëtoreve teknike të këtij institucioni që ndodhen në grevë.

Kjo u bë e ditur nga Kolektivi për Mendim dhe Veprim Feminist që janë organizatore të protestës,

“Tash tri javë, punëtoret teknike të Kuvendit të Republikës së Kosovës kanë hyrë në grevë. Ato për tri javë rresht janë duke qëndru në të ftohtë, në shi e pa mbështetje në oborrin e Kuvendit për të kërkuar rrogë dhe kushte të dinjitetshme pune”.

-Advertisement-

“Ato paguhen veç 275 euro dhe rrezikojnë që për muajin shtator të mos paguhen fare, e edhe të largohen prej punës. Kompania Shcafberger është duke vazhduar t’i injorojë kërkesat e punëtoreve, duke i lënë ato edhe më të pasigurta për të ardhmen e tyre. Ndonëse qëndresa dhe organizimi i grevisteve është inspirues dhe i jashtëzakonshëm, përkeqësimi i kushteve klimatike dhe përfundimi i kontratës që Shcafberger e ka me Kuvendin në fillim të nëntorit, paraqet rrezik të drejtpërdrejt për to. Andaj, dhe duhet veprim kolektiv”.

“Greva dhe qëndresa e tyre duhet të na mobilizojë të gjithave/ëve publikisht dhe sa më zëshëm. Përderisa ato po i afrohen fundit të kontratës, ne duhet të bëhemi çdo herë e më të zëshme/ëm dhe më prezentë në diskurs publik për të mos lejuar që revolta e tyre të shuhet dhe ato të përfundojnë me rroga të mjerueshme, ose edhe më keq, të përjashtuara nga puna.Ne thërrasim në solidaritet të hënën dhe mobilizim të vazhdueshëm me luftën e tyre. Është qenësore që të jemi krah punëtoreve sot dhe çdo ditë tjetër. Rezistenca e tyre është edhe lufta jonë”, thonë nga kjo organizatë.

Subscribe në YouTube: GAZETA INFOKUSI