Lajme

Protesta vazhdoi para Kryeministrisë, dy grupet e studentëve bëhen bashkë

Autori: Gazeta inFokus 07:37 | 14 December 2018

Paraditja e së enjtes i bëri bashkë dy grupet e studentëve protestues në Shqipëri që ishin ndarë orët e fundit mes Ministrisë së Arsimit dhe kryeministrisë.

Ata u mblodhën para godinës së Parlamentit, ku qëndruan për disa orë, teksa deputetët debatonin në seancë për protestën e tyre.

Me mbarimin e seancës parlamentare ata marshuan drejt një destinacioni, ku pas 9 ditësh protestë nuk u tubua më para Ministrisë së Arsimit, por vetëm para Kryeministrisë.

-Advertisement-

Mbrëmja dhe temperaturat e ulëta bënë që para kryeministrisë të qëndrojnë një numër i pakët protestuesish, transmeton tch.

Ndërkohë se si do të vazhdojnë protestën këtë të premte, kjo pritet që të mësohet në orët e para të mëngjesit. Studentët kërkojnë përmbushjen e 8 kërkesave të tyre, por nuk pranojnë që të dialogojnë me qeverinë.

Subscribe në YouTube: GAZETA INFOKUSI
Etiketa:

Të tjera

Fokusi

lajme