Lajme

Protesta e banorëve të Hades dhe Shipitullës zhvendoset para komunës

Autori: Gazeta inFokus 10:32 | 12 September 2017

Banorët e fshatrave Hade dhe Shipitullë janë duke protestuar para komunës së Obiliqit, të cilën më vonë do ta vizitojë kryeministri i zgjedhur i Kosovës Ramush Haradinaj.

Banorët protestues kanë kërkuar ndërprerjen e punës së makinerisë së KEK-ut në fshatrat e tyre dhe shfuqizim të të gjitha vendimeve që janë marrë nga Qeveritë e mëparshme.

Protestuesit e mbledhur para komunës i ka takuar edhe kryetari i Obiliqit Xhafer Gashi i cili u ka thënë atyre se sot do të ketë një takim me kryeministrin e vendit ku do të shqyrtohen edhe kërkesat e tyre.

-Advertisement-

“Shpresoj që Qeveria Haradinaj të bëjë zgjidhje për këta banorë”, tha Gashi ndërsa premtoi atyre një dëgjim publik me kryeministrin Haradinaj.