Lajme

Propozimi franko-gjerman 2.0, Konjufca: Serbia nënshkruan sovranitetin e Kosovës

Autori: Gazeta inFokus 21:30 | 08 December 2022

Kryetari i Kuvendit të Kosovës, Glauk Konjufca, në një intervistë për Dukagjini, duke folur për propozimin franko-gjerman 2.0, ka deklaruar se nëse Serbia nënshkruan dokumentin për normalizim të raporteve, i bie që ka nënshkruar sovranitetin e Kosovës.

“Është njohje eksplicite, por s’ka njohje me notë verbale”, pohoi Konjufca.

“Unë mendoj se vetëm nota verbale mungon në dokument”.

-Advertisement-

Por, çfarë do të thotë kjo sipas Konjufcës?

“Serbia nuk i çon notë verbale Kosovës që po e njeh, por sëbashku me BE-në, të tre palët nënshkruajnë një marrëveshje në të cilën… pika e dytë është atje që Kosova dhe Serbia ia njohin sovranitetin njëra-tjetrës, pavarësinë dhe të drejtën e vetëvendosjes”, spjegoi ai.

Duke folur për situatën e tensionuar në pjesën veriore, numri një i kuvendit theksoi se e gjitha është përpjekje e Serbisë për ta larguar vëmendjen nga procesi i dialogut.

“Strategjia e Serbisë ka qenë m’i marrë kompetencat që burojnë prej Planit Ahtisaari”, nënvizoi Konjufca duke shtuar se deputetët e zëvendësuar nga komuniteti serb në Kosovë, pas dorëheqjeve të pjesëtarëve nga Lista Serba, e bënë betimin vetëm për mos t’ua lënë vendin tjerëve.

“Kjo është për ta bllokuar pavarësinë e Kosovës, betimin e tyre nuk e pashë si diçka entuziaste, e kam parë si një strategji të Serbisë që t’i marrë krejt kompetencat cka janë në dispozicion… që ata me vazhdu betejën për Kosovën”.

“Beteja e Serbisë për Kosovën ka hy në fazën e fundit, që në mënyrë të armatosur, mos t’i lë autoritetet e Kosovës dhe shtetin e Kosovës ta kryejnë punën e tyre”.

Ndërkaq, ai potencoi se dosja e plotë e bandave kriminale në pjesën e banuar me shumicë serbe, është paraqitur para ushtruesit të detyrës së Kryeprokurorit, qysh në shtator të vitit 2021.

“Njeriu kryesor i sistemit të drejtësisë prej muajit shtator të muajit të kaluar e ka dosjen e plotë të bandave kriminale të veriut, asnjë veprim hiç”.

“Prej shtatorit të vitit të kaluar, e ka në tavolinë dosjen voluminoze me krejt emrat, me krejt fotografitë, me krejt incizimet e personave kryesorë të cilët e bëjnë organizimin e krimit në pjesën veriore të Kosovës”, shtoi kryekuvendari

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme