Lajme

Propagandisti Petkoviq para policisë ia cakton etninë personit që plagosi dy të rinjtë serbë

Autori: Gazeta inFokus 18:04 | 06 January 2023

Pas plagosjes së dy të rinjve serbë në Gotovushë afër Shtërpcës, ka reaguar drejtori i të ashtuquajturës Zyrë për “Kosovë dhe Metohi” në Qeverinë e Serbisë, Petar Petkoviq, i cili ka thënë se sipas banorëve “Milloshi dhe Stefani janë qëlluar nga një shqiptar nga vetura në lëvizje”.

“Tentim për të vrarë dy djem serbë në Gotovushë afër Shtërpcës. Fëmijët janë qëlluar nga një shqiptar, sipas banorëve, nga një veturë në lëvizje. Millosh dhe Stefan janë plagosur me armë zjarri”, ka shkruar Petkoviq.

Sipas tij, ata janë qëlluar “derisa ishin duke bartur buzmin për Krishtlindjen”.

-Advertisement-

“Dikush donte të na dhuronte një Krishtlindje të përgjakshme”, shkroi Petkoviq në llogarinë e tij në Twitter.

Subscribe në YouTube: GAZETA INFOKUSI
Përsëri në shkollë me Viva Fresh Store!  
-Advertisement-

Të tjera

Fokusi

lajme