Lajme

Propaganda e ulët serbe| “Mjekët në Kosovë po shtynë gratë serbe që të abortojnë”

Autori: Gazeta inFokus 11:22 | 14 August 2020

Media serbe e afërt me Presidentin e këtij vendi, Aleksandar Vuçiq, njihet për propagandën e saj shpesh edhe banale ndaj shqiptarëve.

E një të tillë e ka publikuar tash, shkruan gazeta Infokus.

Në një artikull të publikuar pretendohet se mjekët në Kosovë po shtynë gratë serbe që të abortojnë fëmijët.

Ani se nuk përmendet me emër, në këtë artikull thuhet që kushtet e vështira e detyruan një grua serbe nga Peja, nënë e dy fëmijëve që të vendosë të abortojë.

Në artikullin propagandues thuhet se si kinse gruaja në fjalë dinte shqip dhe kur shkoi në spital ndëgjoi mjekun teksa një gruaje shqiptare i thoshte se nuk bën të abortoj fëmiun, shkruan gazeta Infokus.

“A je e çmendur. Duhet të lindni një Skëndërbe, ne po krijojmë një shqipëri të madhe, bërtiti gjinekologu e gruaja doli nga zyra”, shkruhet në artikullin e Informer, kinse ka thënë gruaja në fjalë para se të hynte në zyrën e gjinekologut të njëjtë.

“Kur hyra në zyrë, doktori i kërkoi menjëherë infermierit të përgatis mjetet për abort, unë i thash, pse nuk më pyet sa fëmijë kam, më tha që nuk është punë e tij, atëherë e pyeta pse nuk përpiqesh pra të më bindësh të heq dorë nga aborti, mjeku më tha që ju erdhënt me vullnetin tuaj dhe nuk është punë e imja”, shkruan artikulli propagandues i medias së afërt me Vuçiqin.

“Nuk do ta vrisni. Unë do të lind një Milosh Obiliq për të shpëtuar Kosovën e Shenjtë Serbe”, thuhet t’i ketë thënë gruaja anonime mjekut.

E më pas thuhet që patriarku Pavle dëgjoi për këtë rast dhe u takua me gruan.

“Lindeni atë fëmijë, unë do ta pagëzoj. Nëse është burrë, emri i tij do të jetë Millosh”, thuhet ti ketë thënë patriarku Pavle, gruas së panjohur në propagandën serbe./Gazeta Infokus/

Të tjera