Lajme

Prokuroria: Vrasja e 65-vjeçarit ishte e dhunshme dyshohet se u krye me mjet të mprehtë

Autori: Gazeta inFokus 15:29 | 11 January 2023

Prokuroria Themelore në Mitrovicë ka lëshuar komunikatë për media për vrasjen e një 65-vjeçarit dje në Mitrovicë.

Prokuroria njofton se viktima që u gjet i vrarë brenda Shoqatës së të Shurdhërve në Mitrovicë ka qenë anëtar i saj. Lidhur me rastin nuk është identifikuar akoma asnjë person i dyshuar.

Sipas prokurorisë vrasja është e dhunshme dhe sipas ekspertit mjeko-ligjor që ka dalur në vend ngjarje, dyshohet se vdekja ka ardhur si pasojë e disa goditjeve me një mjet të mprehtë.

-Advertisement-

“Prokurori kujdestar ka dalur në vendin e ngjarjes, dhe ka urdhëruar që trupi i pajetë i viktimës të dërgohet për autopsi në Institutin e Mjekësisë Ligjore në Prishtinë”, njofton prokuroria.

Gjithashtu, prokuroria thekson se deri më tani nuk ka të identifikuar persona të dyshuar për këtë rast.

Subscribe në YouTube: GAZETA INFOKUSI