Lajme

Prokuroria Speciale kërkon zgjatjen e paraburgimit për Salih Mustafën

Autori: Gazeta inFokus 14:48 | 21 November 2020

Prokuroria Speciale ka kërkuar vazhdimin e paraburgimit për ish-komandantin e UÇK’së, Salih Mustafa, shkruan Gazeta Express.

Në kërkesën e Prokurorisë për Gjykatësin e procedurës paraprake lidhur me rastin e Salih Mustafës thuhet se ai duhet të vazhdojë të mbetet në paraburgim si e vetmja mënyrë për të menaxhuar rreziqet që paraqiten nga i akuzuari.

“Në përgjithësi, rreziqet e paraqitura nga lirimi i të akuzuarit, të konsideruara vetëm ose së bashku, mund të menaxhohet në mënyrë efektive vetëm në Qendrën e Paraburgimit. Paraburgimi është mënyra më efektive për të kufizuar aftësinë e të akuzuarit për të ikur ose përndryshe penguar Dhomat e Specializuara në arritjen e saj juridike, pengimin e hetimit ose procedurat gjyqësore, dhe / ose kryerjen e krimeve të mëtejshme. Çdo siguri që i akuzuari mund të japë do të ishte e pamjaftueshme të garantoni pajtueshmëri me ndonjë kusht ose kapërceni rreziqet konkrete të lirimit. Në rrethana të tilla, lirimi, me ose pa kushte, nuk duhet të mundësohet”, thuhet në kërkesën e Prokurorisë Speciale për gjyqtarin e procedurës paraprake Nicolas Guillou

-Advertisement-

Tutje thuhet se për arsyet e listuara, Prokurori i Specializuar kërkon që i akuzuari Salih Mustafa të mbetet në paraburgim.

Mbrojtja e Salih Mustafës ka paraqitur kërkesën para gjykatësit të procedurës paraprake që ai të lirohet nga paraburgimit.

Në kërkesën e mbrojtjes thuhet se Salih Mustafa është shtetas i Kosovës që ka vendbanim në Kosovë dhe sa ka bashkëpunuar me Zyrën e Prokurorit të Specializuar.

Sipas mbrojtjes nuk ka asnjë bazë që i akuzuari të kryejë ndonjë incident nëse lirohet dhe se Mustafa do të qëndrojë në shtëpi me familjen e tij.

Dy kërkesat e Prokurorisë dhe Mbrojtjes në rastin e Salih Mustafës mbajnë datë 20 nëntor 2020

Subscribe në YouTube: GAZETA INFOKUSI

Të tjera

Fokusi

lajme