Prokuroria Speciale kërkon që lënda ndaj ish-aktivistëve të VV-së për terrorizëm të kthehet në rigjykim
Autori: Gazeta inFokus 14:14 | 31 October 2023
Në Gjykatën e Apelit, të martën është elaboruar ankesa e Prokurorisë Speciale të Republikës së Kosovës (PSRK), me të cilën është kërkuar që lënda ndaj ish-deputetit Frashër Krasniqi, si dhe Adea Batushës, Egzon Halitit dhe Atdhe Arifit, lidhur me akuzën për terrorizëm, të kthehet në rigjykim.
Për këtë rast, Gjykata Themelore në Prishtinë, më 27 dhjetor 2022, i kishte liruar nga akuza katër të akuzuarit.
Ankesa e PSKR-së u shqyrtua nga kryetari i kolegjit të Apelit, gjykatësi Kreshnik Radoniqi, gjyqtari referues Vaton Dërguti dhe anëtar gjykatësi Bashkim Hyseni.
Përmes ankesës, Prokuroria Speciale ka kërkuar që lënda ndaj Krasniqit, Batushës, Halitit dhe Arifit të kthehet në rigjykim dhe rivendosje, për shkak të shkeljes esenciale të dispozitave të procedurës penale, vërtetimit të gabuar të gjendjes faktike dhe për shkak të shkeljes së Ligjit Penal.
Gjykatësi Dërguti njoftoi se Prokuroria Apelit përmes parashtresës, ka kërkuar që ankesa e PSRK-së të aprovohet dhe lënda të kthehet në rigjykim.
Mbrojtësi i Arifit, avokati Ramiz Krasniqi, kërkoi që të mos aprovohet ankesa e Prokurorisë dhe që aktgjykimi i Themelores të vërtetohet, pasi që sipas tij të gjitha provat materiale përfshirë edhe raportin e FBI-së, flasin për pafajësinë e të akuzuarve.
Po ashtu edhe mbrojtësi i Krasniqit, avokati Florent Latifaj kërkoi që ankesa e PSRK-së të refuzohet dhe aktgjykimi i Themelores të vërtetohet, për shkak se sipas tij vetë fakti që ankesa e Prokurorisë është vetëm dy faqe, mund të kuptohet edhe serioziteti i tyre.
Edhe avokati i Halitit, Emrush Krastati kërkoi që ankesa e PSRK-së të refuzohet, aktgjykimi i Themelores të vërtetohet pasi sipas tij kjo ankesë e ushtruar nga ana e PSRK-së është bërë sa për të mos u thënë dikush se përse nuk keni ushtruar ankesë.
Krejt në fund mbrojtësi i Batushës, avokati Ali Beka kërkoi që ankesa e PSRK-së të refuzohet dhe aktgjykimi i Themelores të vërtetohet, krejt kjo pasi që sipas tij në ankesën e PSRK-së përshkruhet një ngjarje e pasaktë.
Kurse, Krasniqi, Batusha, Haliti dhe Arifi nuk shtuan asgjë, duke i mbështetur në tërësi të thënat e vetë mbrojtësve të tyre.
Më pas, gjykatësi Radoniqi njoftoi palët se brenda afatit ligjorë do të marrin vendimin e Apelit lidhur me këtë çështje.
Më 27 nëntor 2017, katër të akuzuarit ishin shpallur fajtorë dhe dënuar me 21 vjet e gjashtë muaj burgim Ish-deputeti Frashër Krasniqi ishte dënuar me 8 vjet burgim, Atdhe Arifi ishte dënuar me 6 vjet burgim, Egzon Haliti me 5 vjet e gjysmë si dhe Adea Batusha me 2 vjet heqje lirie.
Pas ankesave në Gjykatën e Apelit, lënda ishte kthyer në rigjykim. Kurse, Themelorja më 27 dhjetor 2022, mori aktgjykim lirues ndaj të akuzuarve.
Ndryshe, Prokuroria Speciale e Republikës së Kosovës (PSRK) në dhjetor të vitit 2016, kishte ngritur aktakuzë kundër Frashër Krasniqit, Atdhe Arifit, Egzon Halitit dhe Adea Batushës, të cilët i akuzonte për kryerjen e veprës penale të terrorizmit. Aktakuza thotë se me qëllim që Kuvendi të mos ratifikojë marrëveshjen për demarkacionin me Malin e Zi, më 4 gusht 2016, nga parking përballë Kuvendit, me raketahedhës dore kanë kryer sulmin ndaj Kuvendit.
Ndaj katër aktivistëve të Vetëvendosjes, PSRK-ja ka ngritur aktakuzë, katër muaj pasi të njëjtit, bashkë me tani të ndjerin Astrit Dehari, u arrestuan si të dyshuar për sulmin e 4 gushtit 2016, ndaj objektit të Kuvendi të Kosovës, por që Dehari kishte vdekur në nëntor të vitit 2016 në qelinë e tij në qendrën e paraburgimit në Prizren./”Betimi për Drejtësi”
Të tjera
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...
-
Wall Street Journal: Agjencitë amerikane të zbulimit thonë se ndoshta Putini s’e ka urdhëruar vrḁsjen e Navalnyt
Sipas një artikulli të gazetës ‘Wall Street Journal’ të publikuar të shtunën,...
-
Ahmeti: Nuk vendos Mickoski a shkon BDI-ja në opozitë
Kryetari i Bashkimit Demokratik për Integrim (BDI), Ali Ahmeti, ka thënë se n...
-
Rrëfimi për mḁsakrën e Rezallës: “M’u qetësua shpirti kur e gjetëm trupin e babait”
Shumë net pa gjumë, vuajtje e mërzi e shoqëruan Shaban Deliun, derisa u ident...
-
Paralajmërimi i ministrit gjerman: Qëllimi i Putinit nuk është Ukraina por Evropa
Gjermania do të vazhdojë mbështetjen e saj për Ukrainën dhe do të kundërshtoj...
-
Rrëfimi i Menduh Thaçit: Gjeneralit të NATO-s dhe ambasadorit amerikan u kërkova ndihmë me lot
Kreu i PDSH-së, Menduh Thaçi, në një intervistë për LIBERO ka rrëfyer për vit...
-
Biden dhe gazetarët do të mblidhen në Shtëpinë e Bardhë për “darkën që dominohet nga humori”
Çdo vit në muajin prill, presidenti në detyrë dhe gazetarët mblidhen në Shtëp...
-
Kryeministri Kurti nga Meja: Lṷfta për lṷftën e Kosovës nuk ka përfunduar më 1999
Në shënim të Ditës së Personave të Zhdukur me Dhunë, në Mejë u mbajt tubim pë...
-
Maqedonci nga Budapesti: Theksova qëllimin tonë si shtet për të iu bashkuar NATO-s
Ministri i Mbrojtjes i Kosovës, Ejup Maqedonci ka marrë pjesë në konferencën ...