Lajme

Prokuroria merr vendimin për burrin që vrau një person në Prishtinë

Autori: Gazeta inFokus 10:27 | 26 September 2022

Të dielën në lagjen “Kolovicë e Vjetër”, në Prishtinë një person ka vdekur si pasojë e plagëve të marra nga arma e zjarrit në Prishtinë, shkruan Gazeta Infokus.

Ndaj personit të dyshuar i është caktuar masa e ndalimit për 48 orë.

Këtë për Infokus e ka konfirmuar zëdhënësja e Prokurorisë Themelore në Prishtinë, Laureta Ulaj.

-Advertisement-

Ajo tha se të dyshuarit i është caktuar masa e ndalimit për veprat penale “Vrasje nga pakujdesia”, dhe :Mbajtja në pronësi, kontroll ose posedim i paautorizuar të armëve”.

“Me urdhër të prokurorit është ndaluar një person në kohëzgjatje prej 48 orësh, për shkak të dyshimit se ka kryer veprat penale “Vrasja nga pakujdesia” dhe “Mbajtja në pronësi, kontroll ose posedim të paautorizuar të armëve”, sipas KPRK-së. Prokurori i Shtetit brenda afatit ligjor, do të parashtrojë kërkesë në gjykatën kompetente për shqiptimin e masës për sigurimin e prezencës të pandehurit në procedurë penale”, tha Ulaj për Gazetën Infokus.

Ndryshe për rastin ka dhënë detaje edhe policia e Kosovës në raportin 24 orësh.

“VRASJE NGA PAKUJDESIA/Kolovicë e Vjetër, Prishtinë, 25.09.2022-10:35. Raportohet se i dyshuari mashkull kosovar derisa kanë qenë për gjueti-rekreacion, nga pakujdesia ka qëlluar me armë zjarri viktimën mashkull kosovar duke i shkaktuar lëndime vdekjeprurëse. Vdekjen e viktimës e ka konstatuar ekipi mjekësor në QKUK . Njësit relevante kanë dalur në vendin e ngjarjes. Nga i dyshuari është konfiskuar një pushkë gjuetie me shtatë fishekë. I dyshuari pas intervistimit me vendim të prokurorit është dërguar në mbajtje”, thuhet në raportin 24-orësh të PK-së. /Gazeta Infokus/

Subscribe në YouTube: GAZETA INFOKUSI
MYZHDE për krejt!
-Advertisement-

Të tjera

Fokusi

lajme