Lajme

Prokuroria kërkon 30 ditë paraburgim për deputetin Shkumbin Demaliaj

Autori: Gazeta inFokus 11:33 | 28 September 2018

Pas arrestimit të djeshëm të deputetit të AAK-së, Shkumbin Demaliaj, Prokuroria ka paraqitur kërkesën për paraburgim.

Lajmin për Telegrafin e ka konfirmuar prokurori i rastit Rexhep Maqedonci.

“Është parashtruar kërkesa për caktimin e masës së paraburgimit prej 30 ditësh”, ka thënë Maqedonci.

-Advertisement-

Ai më tej ka bërë të ditur se seanca gjyqësore pritet të mbahet sot diku pas orës 13:00.

Deputeti Shkumbin Demaliaj është arrestuar për veprën penale kanosje, për dy deklarata të tij të dhëna në media ku ka kanosur publikisht prokurorin e Prokurorisë Speciale, Elez Blakaj.

E gjitha ka ardhur pas ngritjes së aktakuzës ndaj Demalisë si anëtar i Komisionit për verifikimin e listave të veteranëve dhe publikimit të listës me veteranët mashtrues në të cilën ndodhej edhe emri i babait të tij.

Subscribe në YouTube: GAZETA INFOKUSI