Lajme

Prokuroria e Shtetit: Asnjë rast penal gjatë zgjedhjeve në veri

Autori: Gazeta inFokus 20:42 | 23 April 2023

Prokuroria e Shtetit tha se gjatë votimeve për zgjedhjet lokale në veri të Kosovës nuk është evidentuar ndonjë rast për vepra penale kundër të drejtave të votimit.

“Prokurori i Shtetit do të vazhdojë të mbikëqyrë procesin e numërimit të votave deri në përfundimin e këtij procesi”, u tha në njoftim.

Edhe Komisioni Qendror i Zgjedhjeve tha se procesi zgjedhor është zhvilluar pa asnjë problem.

-Advertisement-

Mbi 1.500 qytetarë votuan për zgjedhjet e jashtëzakonshme lokale për zgjedhjen e kryetarëve të rinj në Mitrovicë të Veriut, Leposaviq, Zubin Potok dhe Zveçan.

Po ashtu u votua edhe për përbërjet e reja të asambleve komunale në Leposaviq dhe Zveçan.

Lista Serbe – partia kryesore e serbëve në Kosovë – nuk garoi në zgjedhje dhe bëri thirrje për bojkotim të tyre.

Subscribe në YouTube: GAZETA INFOKUSI
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme