Lajme

Prokuroria e Pejës shpalos sot informata për rastin e helmimeve në Deçan

Autori: Gazeta inFokus 07:47 | 07 February 2022

Prokuroria Themelore e Pejës sot do të mbajë konferencë për media, lidhur me hetimet rreth rastit të helmimit të mbi 1 mijë e 500 qytetarëve në Deçan, në korrikun e vitit të kaluar.

Në njoftimin e Prokurorisë bëhet e ditur se konferenca do të mbahet në orën 12:00, në objektin e Prokurorisë në Pejë.

“Ftoheni të merrni pjesë në konferencë e organizuar për media nga Prokuroria Themelore në Pejë, ku temë diskutimi do jetë hetimi i rastit të helmimit të mija qytetarëve në komunën e Deçanit vitin e kaluar”, bëhet e ditur në njoftim.

-Advertisement-

Ndryshe, mbi 1 mijë e 500 persona, në mesin e tyre edhe 51 fëmijë janë helmuar në korrik të vitit të kaluar, në Deçan. Komuna kishte shpallur gjendje emergjente, ndërkaq Prokuroria kishte nisur hetimet se si kishte ardhur deri te helmimi i qytetarëve.

Subscribe në YouTube: GAZETA INFOKUSI