Prokurori i Specializuar paraqet deklaratën përmbyllëse në gjykimin kundër Salih Mustafës
Autori: Gazeta inFokus 11:19 | 13 September 2022
Në Dhomat e Specializuara të Kosovës në Hagë po vazhdon gjykimi ndaj ish-komandantit të Ushtrisë Çlirimtare të Kosovës, Salih Mustafa, ku po dëgjohet deklarata përmbyllëse e prokurorisë.
Prokurori i Specializuar, Jack Smith, para trupit gjykues ka përmendur dëshmitë që janë dhënë nga dëshmitarët e prokurorisë gjatë këtij procesi gjyqësor çka sipas tij tregojnë se në Zllash ka pasur një kompleks ndalimi që ishte torturë për disa njerëz.
Smtih ka thënë se puna e kësaj gjykate ka kuptim vetëm nëse viktimat e dinë që ky është vendi ku mund të rrëfejnë historitë e tyre pa frikë.
“Ju kërkoj të mendoni për një çast për një nga viktimat e kësaj çështje, viktima i cili nuk i mbijetoi torturës që ndodhi në kompleksin e parandalimit në Zllash, viktima për të cilin keni dëgjuar nga familja gjatë këtij gjyqi, vrasja e të cilit është pjesë e kësaj çështje. Sa vjeç do të ishte ai tani, çfarë do të ishte bërë me jetën e tij nëse kjo jetë nuk do t’i ishte marrë, do të ishte pak mbi 50 por çfarëdo të ishte bërë me jetën e tij, këtë nuk kemi për ta ditur asnjëherë… Mund vetëm të spekulojmë, por e vërteta është që këtë ne nuk kemi për ta ditur asnjëherë, as familja e tij nuk ka për ta ditur asnjëherë për shkak të Salih Mustafës dhe njerëzit që ai komandonte, ata të cilët e kanë torturuar dhe vrarë”, ka thënë Smith para trupit gjykues të kryesuar nga Mappie Veldt-Foglia.
Prokurori i Specializuar ka thënë se me Gjykatën Speciale ,për herë të parë pas më shumë se 23 viteve, viktimave u është dhënë mundësia për të folur për vuajtjen që sipas tij e kanë duruar në periudhën e vitit 1999.
“E vërteta është që disa udhëheqës të UÇK-së, zotëri Mustafa e kanë shfrytëzuar fuqinë e tyre për t’i viktimizuar, brutalizuar kosovarët, përfshirë individët gabimi i vetëm i të cilëve është se janë perceptuar që nuk kanë besnikëri të mjaftueshme për UÇK-së apo udhëheqësit e saj por që kanë pikëpamje politike që janë të ndryshme nga ato të UÇK-së apo udhëheqësve të saj. Siç keni parë gjatë paraqitjes së dëshmive të vitit të shkuar, nuk ka pasur objektiv të ligjshëm ushtarak për ndalimin ne tyre, nuk ka pasur asnjë justifikim për kushtet e mjerueshme në të cilat janë mbajtur apo mënyrën si janë torturuar gjatë paraburgimit të tyre”, ka thënë Smith.
Gjykimi ndaj Salih Mustafës në Hagë është drejt fundit dhe tani është faza kur dëgjohen deklaratat përmbyllëse të palëve.
Në këtë proces gjyqësor janë dëgjuar 13 dëshmitarë të Zyrës së Prokurorit të Specializuar, shumë prej të cilëve të mbrojtur dhe në seanca të mbyllura apo të redaktuara.
Ndërsa mbrojtja e Salih Mustafës ka paraqitur 15 dëshmitarë.
Në fillim të këtij procesi Salih Mustafa, ndaj të cilët rëndojnë akuza me pretendimin për krime lufte, ishte deklaruar i pafajshëm para trupit gjykues.
Sipas Dhomave të Specializuara “Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave”. Gjithashtu, në aktakuzë thuhet se “në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”.
Salih Mustafa po qëndron në paraburgim në Hagë prej 24 shtatorit të vitit 2020 kur është arrestuar./KP
Të tjera
-
Nis takimi O’Brien – Vuçiq, Presidenti serb thotë se ky është një takim i vështirë
Presidenti serb, Aleksandar Vuçiq, ka nisur takimin me James O’Brien, Ndihmës...
-
Nisin zgjedhjet në Indi: 969 milionë njerëz kanë të drejtë vote
Vendvotimet u hapën të premten në fazën e parë dhe më të madhe të zgjedhjeve ...
-
Analisti amerikan Daniel Serwer tregon arsyet për të cilat Serbia i frikësohet anëtarësimit të Kosovës në KiE
Serbia është aktualisht e angazhuar në një fushatë të egër për të bllokuar an...
-
Von Cramon optimiste për anëtarësimin e Kosovës në KiE, por tregon çka kërkojnë disa shtete
Raportuesja për Kosovën në Parlamentin Evropian, Viola von Cramon, është opti...
-
Votimi për largimin e kryetarëve në veri, KQZ mban mbledhje në ora 14:00
Komisioni Qendror i Zgjedhjeve do të mbajë sot mbledhje, me fillim nga ora 14...
-
Shefi i CIA-s: Ukraina mund të humbë pa ndihmën e SHBA
Shefi i CIA-s paralajmëroi se Ukraina mund ta humbasë luftën pa ndihmën e SHB...
-
Bilall Kasami: Një telefonatë se Serbia po bën manovra në kufi me Kosovën, ia pamundësoi Kurtit ardhjen në Berlin
Përfaqësues së koalicionit VLEN që po garon në zgjedhjet e Maqedonisë së Veri...
-
O’Brien sot në Beograd, do të takohet me udhëheqësit e Serbisë
Ndihmëssekretari amerikan i Shtetit për Evropën dhe Euroazinë, James O’Brien,...
-
Valon Murati kritikon Kurtin: Nuk është kohë e mburrjeve
Valon Murati nga Lëvizja për Bashkim ka drejtuar kritika në drejtim të kryemi...
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...