Ndonëse projektligji për pagën minimale ka kaluar në komisionin për buxhet, ai ende nuk u është dërguar deputetëve për votim në lexim të dytë. Kjo ende nuk dihet se kur do të ndodhë derisa anëtarët e komisionit për buxhet tregojnë se kur të rritet paga minimale, do të ketë rritje edhe për kategoritë e dala nga lufta.

Edhe pak ditë bëhen një vit prej se në Kuvend u miratua në lexim të parë projektligji për pagën minimale.

Por, prej atëherë përkundër disa tentimeve që i njëjti të kaloj edhe në lexim të dytë e të bëhet i plotfuqishëm, një gjë e tillë nuk u arrit.

-Advertisement-

Megjithëse ka kaluar kohë, ende nuk dihet se kur do të sillet edhe njëherë ky projektligj që nxiti protestat e organizatave të dala nga lufta.

Zyrtarët e Kuvendit të Kosovës, nuk kanë kthyer përgjigje për këtë temë, por deputeti Pal Lekaj, nga AAK thotë se në komisionin për buxhet janë miratuar ndryshimet e kërkuar.

“Po ka hyrë ai ligje është miratuar në Komisionin për Buxhet. Është e ligjshme që të procedohet në kuvend edhe kuvendi do ta jep votën pro ose kundër. Prandaj që ne them se çdo shmangie nga ligjet dhe rregullorja e kuvendit është atak mbi demokracinë mbi autonomin e deputetit”, ka thënë Pal Lekaj.

Edhe nga Lidhja Demokratike e Kosovës (LDK), thonë se ky projektligj duhet të sillet sa më shpejtë në Kuvend, e të mos shmanget në këtë formë.

“Përderisa kanë proklamuar e deklaruar që do e ngrisin pagën minimale nuk e kanë bë në nivelin që kanë kërkuar vetë sektori, dhe tani më është bllokuar nga vetë deputetët e pushtetit, tani më për disa muaj”, ka sqaruar deputeti Besian Mustafa.

Nga organizatat e dala nga lufta thonë se gjatë kësaj kohe nuk kanë pasur fare komunikim me asnjë institucion për kërkesat e tyre, por nëse ndodhë e njëjta si në të kaluarën sërish do të protestojnë.

“Nuk guxon të pësojë ndryshime dhe nuk duhet të hiqen veteranët nga definicioni se si është e obliguar qeveria, ta respektojë ligjin, në të kundërtën do kemi reagimet tona do të jenë, do të protestojmë do ta kundërshtojmë, siç ju kemi bërë thirrje çdo deputeti të çdo partie që të mos bëjë një gabim të tillë”, ka shtuar Xhavit Jashari, kryetar i Shoqatës së Familjarëve të Dëshmorëve të UÇK-së.

Ekzekutivi gjatë vitit të kaluar e këtë vit, disa herë ka përmendur rritjen e pagës minimale në vend, e cila nuk ka pasur ndryshime që nga viti 2011.

Ky Projektligj i cili u miratuar në lexim, të parë në qershor të vitit të kaluar parasheh rritjen e pagës minimale në 264 euro bruto, apo 250 euro neto, nga 130-170 sa është aktualisht.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-