Uncategorized

Prof.dr. Genc Sulçebe:Pas 3 vitesh pandemi mund të shohim dritë në fund të tunelit

Autori: Gazeta inFokus 15:27 | 19 January 2023

Imunologu i njohur, akademik prof.dr Genc Sulçebe në një intervistë ekskluzive për Grupin Mediatik të Kinës tha se “pas tre vitesh mund të themi se mund të shohim dritën e plotë në fund të tunelit, për arësye të përhapjes masive të virusit në popullatën botërore dhe përdorimit masiv të vaksinimit të mbi 5 miliard e gjysmë njerëzve në botë”.

Lidhur me përhapjen e nënvariantit  XBB në ShBA, por  dhe Europë dhe mundësinë e ndikimit të tij në  në Shqipëri, ai theksoi se “nuk do të kemi probleme të mëdha, se meqënëse shumica e individëve në popullatë  kanë rënë në kontakt me virusin, ose janë vaksinuar  kanë një mbrojtje imunitare të tillë që  edhe po të infektohen mund të japin një sëmundje shumë të lehtë”

Duke u ndalur tek mutacionet e koronavirusit në tre vitet e fundit dhe dëmet që ka sjellë në shëndetin e njerëzve, prof.dr. Sulçebe bëri të ditur se “virusi përpiqet të përshtatet dhe ka mutacione, por nuk janë më të rrezikshme”.
Foto:VCG

Foto:VCG

Në komentin për politikën zero Covid dinamike të Kinës, ai vlerësoi se “për masën e popullatës së vendit dhe dendësinë e saj, ishte e rëndësishme sepse u ruajtën shumë jetë. Po të ishte një politikë liberale mund të kishte dëme shumë të mëdha”. Shqetësimet virologjike lidhur me rihapjen e Kinës dhe mundësinë e varianteve të reja të virusit, apo kufizimet për turistët  kinezë ai i quajti të pajustifikuara.

“Tani përjetojmë një rritje të popullatës botërore, por njëkohësisht kemi një prishje të ekosistemit botëror. Mund të ndodhë gjatë këtij shekulli dhe një pandemi tjetër dhe kjo kërkon studime, bashkëpunim botëror mes studiuesve sepse teknologjia dhe studimet në këto fusha janë mjaft të avancuara”, u shpreh imunologu Genc Sulçebe.

SHKUNDEN ÇMIMET për Ramazan!

Të tjera

Fokusi

uncategorized