Lajme

Problem global me internetin, qindra uebfaqe në mbarë botën jashtë funksionit

Autori: Gazeta inFokus 10:08 | 21 June 2022

Një ndërprerje e madhe në rrjetin e shpërndarjes së përmbajtjes Cloudflare po bën që qindra faqe interneti të jenë jashtë funksionit, shkruajnë mediat e huaja.

Rrjeti i ofrimit të përmbajtjes (CDN) është një grup i shpërndarësish në mbarë botën që punojnë në unison, duke ofruar shpërndarje të shpejtë të përmbajtjes në internet.

Faqet e internetit përdorin CDN për t’u mbrojtur kundër kërcënimeve dhe për të ofruar përmbajtje në mënyrë të sigurt dhe sa më shpejtë të jetë e mundur.

Cloudflare është rrjeti më i popullarizuar i ofrimit të përmbajtjes.

Uebfaqet e prekura përfshijnë Discord, Shopify, Fitbit, Peloton, Grindr, Ring, bet365, Google, NordVPN, JustEat dhe Ladbrokes, sipas Downdetector.

Cloudflare e pranoi këtë çështje në një postim në llogarinë e saj zyrtare në Twitter.

“Ekipi i Cloudflare është i vetëdijshëm për çështjet aktuale të shërbimit dhe po punon për të zgjidhur sa më shpejt të jetë e mundur. Përditësimet mund të ndiqen këtu”, thuhet në njoftim.

Mesazhi që shfaqet zakonisht në këto raste është si në foton e mëposhtme.

Të tjera

Fokusi

lajme