Vizita e Presidentit të Serbisë, Aleksandër Vuçiq, gjatë vikendit në veri të Kosovës mund të nxisë tensione të reja mes shqiptarëve dhe serbëve.

Nëse Vuçiq, edhe pa leje të autoriteve kosovare, do të tentoj që nesër ta vizitoj Ujamanin, është paralajmëruar se njësitë special të Policisë së Kosovës do të ndërhyjnë për ta penguar, shkruan Gazeta inFokus.

“Policia e Kosovës do te jetë aty. Policia e Kosovës nuk do të lejojë që të thehet qëndrimi i planit të qeverisë”, ka thënë drejtori i përgjithshëm i Policisë së Kosovës, Rashit Qalaj.

-Advertisement-

Krerët shtetërorë të Kosovës, përfshirë edhe presidentin Hashim Thaçi, e edhe ministrin Behxhet Pacolli, i kanë dërguar mesazhe të qarta se presidenti serb nuk ka leje që ta vizitoj Ujmanin dhe i kanë kërkuar që ta respektoi lejen që I kanë dhënë.

“Kosova ka institucionet e veta, dhe duhet të respektohet itinerari i lejuar për vizitën e lejuar, as me pak e as më shumë. Ne respektojmë secilin, nuk duam ta poshtërojmë askë, por nuk lejojmë cenimin e sovranitetit të Kosovës” ka thënë Presidenti Hashim Thaçi, shkruan Gazeta inFokus.

Edhe zëvendëskryeministri i parë i Kosovës Behgjet Pacolli ka kërkuar nga Vuçiq që të mos ia mësyjë Ujmanit.

“Me i dërgu mesazhe presidenti të Serbisë, ai është i mirëseardhur në Kosovë, Kosova është vend i hapur dhe demokratik, ne jemi nikoqir të mirë, ne kemi organizu edhe pritjen për të, por vizita në Ujman, nuk ka asnjë arsye pse duhet të vizitohet ai, kur nuk ka asnjë qendër urbanistike atje” ka thënë Pacolli.

Më I ashpër një ditë më parë është treguar kreu i Kuvendit të Kosovës, Kadri Veseli, I cili ka paralajëmruar se Vuçiq mund të tërhiqet zvarrë sikur që kishte ndodhur me drejtorin e të ashtuquajturës zyrë për Kosovën, Marko Gjuriq, shkruan Gazeta inFokus.

“Le ta provon pa leje, e din edhe ai tjetri (Marko Gjuriqi)”, ka thënë Veseli.

Ai ka lënë të kuptohet se asgjë nuk është e sigurt në ardhjen ose mosardhjen e të parit të Serbisë në Kosovë.

“Nëse e vendosim për mos me ardhur, Vuçiqi nuk do të futet në Kosovë. Ajo çka po mendojmë është për situatën e bashkëqytetarëve tanë të cilën po e bëjmë; me pozicionin e shtetit tonë të pavarur e sovran; me liberalizimin e vizave; me partnerët tanë ndërkombëtarë! Përndryshe mos të ishte kjo situatë, këmba nuk do i shkelte në Kosovë”, ka pohuar Veseli./Gazeta inFokus

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-