Sport

Prishtina udhëton te rivalët me një gol epërsi

Autori: Gazeta inFokus 15:27 | 17 April 2018

Nesër (e merkurë) zhvillohen ndeshjet e kthimit gjysmëfinale të Digitalb Kupës së Kosovës, shkruan infokusi.

Skuadra e Prishtinës udhëton në Vushtrri në një përballje aspak të lehtë edhe përkundër rezultatit pozitiv që ka nga ndeshja e parë.

Kryeqytetasit kishin fituar duelin e parë 1:0, ndërsa në duelin tjetër Drenica dhe Vëllaznimi ishin ndarë baras, 1:1.

-Advertisement-

LEXO EDHE: Nesër zhvillohen ndeshjet e kthimit të gjysmëfinalës së Digitalb Kupës së Kosovës

Prishtina nesër e zhvillon ndeshjen për finalen e 9-të Kupës nga viti 1991. Rezultatin 1:0 nga ndeshja e parë e ka në favor, ndërsa më shumë se 90 minuta apo edhe në penallti mund të shkohet vetëm nëse vendasit e mbyllin me epërsinë e njëjtë sikurse Prishtina në Pejë.

Përndryshe, përballja me Vushtrrinë njihet edhe si “derbi tifozerik”, sepse për nga rivaliteti vushtrriasit përveç një titulli të kampioni nuk kanë pas suksese tjera, por rivaliteti i madh ndërmjet dy tifozerive ka bërë që edhe ndeshjet të jenë me përballje të forta.

Megjithatë, nuk ka rival që Prishtina ka suksese më shumë se sa kundër vushtrriasve.

Nga 32 përballjet e pasluftës, Prishtina i ka 22 fitore me 7 barazime dhe vetëm 3 humbje (duke e mos llogaritur ndeshjen ku Prishtina s’kishte udhëtuar) – të gjitha këto me rezultat minimal 1:0 në Vushtrri. Në fakt, Vushtrria vetëm një herë i ka shënuar Prishtinës më shumë se 1 gol në ndeshjen e fundit kampionale sa ishte në Superligë në humbjen 2:3. Pra, Vushtrria mesataren e shënimit të golave kundër kryeqendrave e ka më pak se gjysmë goli për ndeshje (0.4), ndërsa Prishtina e ka pak më shumë se 1 gol për ndeshje (1.2).

Prishtina në stinorin pranveror ka pësuar veç 1 humbje dhe 3 barazime duke i fituar 8 tjera.

Prishtina në këtë përballje i ka dy mungesa, kapiteni Dallku përshkak kartonëve dhe Mazrekaj i lënduar. /infokusi.com

Subscribe në YouTube: GAZETA INFOKUSI