Lajme

Prishtina këtë vit pjesë e garave ndërkombëtare për transparencë

Autori: Gazeta inFokus 12:42 | 15 August 2018

Komuna e Prishtinës ka prezantuar sot platformën e re digjitale në kuadër të transparencës komunale “Kontratat e hapura”, me ç’rast u vlerësua të jetë vazhdimësi e transparencës së komunës e cila këtë vit do të marrë pjesë në gara ndërkombëtare për transparencë.

I pari i kryeqytetit, Shpend Ahmeti tha se me “Open Data” kanë vendosur një standard të ri të transparencës.

“Kur kemi të bëjmë me paranë publike, është detyrë e secilit të tregojë se ku po shpenzohen paratë publike. Meqenëse kemi shumë kontrata, unë kam kërkuar që të mund të hyjë dhe të shoh të gjitha kontratat”, tha ai.

-Advertisement-

“Një pjesë të këtij softueri e publikojmët tash për qytetarët dhe tash e kemi një softuer në të cilin secili qytetar mund të hyjë dhe ta shoh secilën kontratë. Kjo është e mirë edhe për gazetarët, të cilët tash mund të shohin online kontratat dhe të shohin sa zgjasin e kur përfundojnë”, tha Ahmeti.

Ahmeti shpreson që edhe Qeveria të fillojë të publikojë kontratat, pasi që sipas tij nuk është e arsyeshme që të mbahen të fshehta. J

ames Mugaju, nga UNICEF Kosovo u shpreh i lumtur me këtë iniciativë të komunës së Prishtinës, e cila sipas tij është një hap shumë i rëndësishëm për transparencën.

“Qasja në informata është një hap i rëndësishëm që dëshmon transparencë dhe përgjegjësi. Komuna e Prishtinës po fillon të jetë pjesë e qyteteve të mençura”, tha ai.

Nënkryetari i komunës së Prishtinës, Muhedin Nushi kujtoi se ky nuk është standardi i parë i vendosur. Ai bëri të ditur se platforma i përmban dy module. Derisa tregoi se nga aty mund të shkarkohet edhe seti i të dhënave.

“Tash po vazhdojmë me një platformë të jashtëzakonshme. Tash iu njoftoj se kryeqyteti i Prishtinës do të jetë garues në gara ndërkombëtare për kryeqytetin më transparent, garë e cila do të mbahet në Sllovaki. Kështu që në shtator do të marrim vesh se sa jemi transparent”, u shpreh Nushi.

Blerta Thaçi, drejtoreshë e OJQ-së “Open Data Kosovo” tha se janë munduar që të prezantojnë dhe të avokojnë për këto teknologji që në tregun ndërkombëtar janë shumë të kërkuara.

“Ju prej këtij momenti mundeni me u kyç dhe ne jemi të hapur të prezantojmë të dhënat”, tha ajo.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme