Lajme

Prindi i nxënësit në Gllarevë i mllefosur me shkollën: Ta ndaluan recitimin ylli i babit, si në kohën e Jugosllavisë

Autori: Gazeta inFokus 15:25 | 07 June 2022

“Ta ndaluan recitimin ylli i babit, si në kohën e Jugosllavisë“, kështu e filloi postimin e tij Xhevdet Balaj nga Gllareva, për të shprehur mllefin e tij ndaj komisionit të shkollës për përzgjedhjen e nxënësve për recitim në ditën e shkollës “Dëshmoret e Qëndreses Gllarevë“.

Kjo pasi sipas tij ky komision ka bërë diskriminim ndaj nxënësve më të mirë dhe kanë injoruar fëmijët për inat të prindërve, shkruan Gazeta Infokus.

Në këtë postim Balaj tregon se djali i tij Ilirjani nuk është pranuar në garat e recitimit.

“Ilirianin djalin tim qe dy javë e kan torturu psiqikish, e kan thy moralisht duke e endur poshtë e lart dhe në fund nuk e pranojnë në ekipen recituese sepse është më i zgjuari, këtë qe po e them me fjalë do e prezantoj edhe me dokument, nxënësi qe ia zdriti fytyren shkolles tonë duke marr qmimin Ismail Kadare,dhe tani te eliminohet nga mesues xheloz injorant kjo është TURP TURP TURP!“, ka shkruar Balaj në Facebook.

Madje ai ka ftuar edhe prokurorinë që të hapë rast ndaj mësuesit dhe komisionit që diskriminuan nxënësit.

“Andaj ftoj inspektoratin arsimor Ministrinë e Arsimit Mediat dhe në fund edhe Prokurorinë qe te hapin rast ndaj mësuesit dhe komisionit qe diskriminon nxënësit.

Arsyeja që i kam penguar nxënësi sepse ka pas me recitu vargje për Dëshmoret e UÇK-së“, ka përfunduar Xhevdet Balaj./Gazeta Infokus

Të tjera