Lajme

Prindërit kërkojnë ndërprerjen e mësimit në shkollat ku mungon ngrohja

Autori: Samire Jaha 14:42 | 15 Dhjetor 2021

Një numër i madh i familjeve në Prishtinë kanë mbetur pa ngrohje që nga mëngjesi i së mërkurës.

Me po të njëjtin problem po përballen edhe disa shkolla të kryeqytetit.

Këshilli i Prindërve në një prononcim për Gazetën Infokus kanë thënë se prindërit janë të shqetësuar për shëndetin e fëmijëve të tyre.

-Advertisement-

Sipas tyre ankesat e prindërve janë krejtësisht të arsyeshme.

“Ne kemi pranuar ankesa nga prindërit që janë krejt të arsyeshme, ku ata shprehin shqetësimin për efektin e mundshëm në shëndetin e fëmijëve gjatë qëndrimit në shkollë në mungesë të ngrohjes”, kanë thënë nga Këshilli i Prindërve në nivel lokal për Gazetën Infokus.

Gjithashtu Këshilli i Prindërve për Infokus-in kanë thënë se kjo situatë po e rëndon procesin mësimor duke pasur parasysh edhe përhapjen e gripit sezonal.

Sipas tyre, shkollat duhet të ndërprenë procesin mësimor deri në një zgjidhje, shkruan Gazeta Infokus.

“Normalisht në këto kushtet shkollat që furnizohen nga Termokosi duhet ta ndërpres mësimin dhe këto orë të humbura të tentoj t’i kompensoj ditëve në vijim. Kjo situatë është tejet shqetësuese dhe e pengon rëndë procesin mësimor, kur edhe jemi në valë të përhapjes së gripit sezonal”, kanë thënë nga Këshilli i Prindërve të komunës së Prishtinë për Gazetën Infokus.

Nga Këshilli gjithashtu thanë për Infokus-in që shpresojnë që kjo situatë të jetë e tejkalueshme shpejt siç edhe ishte njoftimi nga KEK-u.

Ndryshe Gazeta Infokus raportoi të martën se ka dalë nga prodhimi blloku B2 I Termocentralit “Kosova B” i cili ka kapacitete prodhuese prej 250 megavat orë energji elektrike dhe se probleme janë shfaqur edhe në Bllokun B1.

E pikërisht këto dy blloqe furnizojnë me avull ngrohtoren e Prishtinës.

Nga Termokosi ngrohen 15 mijë familje të Prishtinës./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy