Rajoni dhe Bota

Prifti vret 52 vjeçarin për t’i dhënë fund koronavirusit

Autori: Gazeta inFokus 20:17 | 29 May 2020

Një prift në Indi i ka prerë kokën një burri 52-vjeç, si një dhuratë ndaj “perëndive” për t’i dhënë fund koronavirusit në botë. Prifti 70-vjeçar Sansari Ojha, nga tempulli i Brahmani Devi, është arrestuar nga policia pasi i preu kokën Kumar Pradhan.

Prifti hindu nga rajoni Bandhahuda, raportohet se vrau burrin si dhuratë ndaj “perëndive” për t’i dhënë fund pandemisë botërore.

Ndërkaq, oficeri i policisë Ashish Kumar Singh, tha se Sansari ishte i dehur ditën që ka ndodhur ngjarja, madje dhe në momentin e arrestimit ai ishte po në atë gjendje.

-Advertisement-

“Prifti pretendon se ka parë një perëndeshë në ëndërrën e tij, e cila i ka kërkuar të sakrifikojë jetën e një njeriu për t’i dhënë fund koronavirusit në botë. Prandaj për t’iu bindur urdhërit të “perëndeshës” prifti flijoi 52-vjeçarin”, tha Alok Ranjan Ray, zëdhënës i policisë.

Ndërkohë raportohet se trupi i pajetë i Kumar Pradhan pritet t’i nënshtrohet autopsisë.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera