Lajme

Prezantohet Draft Strategjia për Zhvillimin Industrial dhe Mbështetjen e Bizneseve, Komisioni Evropian dhe Ambasadat e mbështesin

Autori: Gazeta inFokus 21:29 | 07 February 2023

Ministrja e Industrisë, Ndërmarrësisë dhe Tregtisë, Rozeta Hajdari, ka njoftuar se sot ka mbajtur takim me përfaqësues nga anëtarët e Këshillit të Investitorëve, Komisionit Evropian, Ambasadave dhe Akademisë.

Në këtë takim u shpalos dhe diskutua Draft Strategjia për Zhvillimin Industrial dhe Mbështetjen e Bizneseve 2030.

“Së bashku me kolegtë znj. Valbonë Dushi, Drejtore e Departamentit të Industrisë dhe këshilltarët Shkumbin Gërguri e Flora Camaj, prezantuam Draft Strategjinë për Zhvillimin Industrial dhe Mbështetjen e Bizneseve 2030 dhe lidhjen me Strategjinë Kombëtare të Zhvillimit 2030, duke sjellur në vëmendje se zhvillimi industrial është kritik për transformimin gradual të Kosovës në një ekonomi me të ardhura të larta dhe përmirësimin e mirëqenies socio-ekonomike të qytetarëve të Kosovës” tha Hajdari.

-Advertisement-

E, nga ana e të pranishmëve, kjo strategji u kosniderua si moderne dhe e qartë, duke shprehur mbështetje të plotë dhe bashkëpunim në të ardhmen.

Ky është njoftimi i plotë i Hajdarit:

Sot, në një tryezë të organizuar nga Këshilli i Investitorëve Evropian me përfaqësues nga anëtarët e Këshillit të Investitorëve, Komisioni Evropian, Ambasadat dhe Akademia, shpalosëm dhe diskutuam Draft Strategjinë për Zhvillimin Industrial dhe Mbështetjen e Bizneseve 2030.

Së bashku me kolegtë znj. Valbonë Dushi, Drejtore e Departamentit të Industrisë dhe këshilltarët Shkumbin Gërguri e Flora Camaj, prezantuam Draft Strategjinë për Zhvillimin Industrial dhe Mbështetjen e Bizneseve 2030 dhe lidhjen me Strategjinë Kombëtare të Zhvillimit 2030, duke sjellur në vëmendje se zhvillimi industrial është kritik për transformimin gradual të Kosovës në një ekonomi me të ardhura të larta dhe përmirësimin e mirëqenies socio-ekonomike të qytetarëve të Kosovës.

Te shumë prej sektorëve industrial të analizuar, prodhimi ka një potencial të lartë për të krijuar produktivitet të konsiderueshëm dhe fitime shtesë në vlerë duke thithur teknologjitë e reja dhe inovacionin.

Me kolegen zonja Dushi, sqaruam në detaje objektivat specifike dhe të matshme të politikës industriale, nxitësit industrialë (nën objektivat) më të rëndësishëm që duhet të përmirësojnë performancën e tyre për të realizuar objektivat e politikës industriale dhe masat prioritare të politikave, me kosto të ndërhyrjeve qeveritare për të arritur vizionin e synuar të politikës industriale.

Diskutimi dhe reflektimet e sotme me përfaqësues nga Këshilli Evropian i Investitorëve, Komisioni Evropian, Ambasadat dhe Akademia, e cilësuan këtë strategji si moderne dhe të qartë, duke shprehur mbështetje të plotë dhe bashkëpunim në të ardhmen.

Subscribe në YouTube: GAZETA INFOKUSI
Coffee Show B2B në Zagreb nga Devolli Corporation

Të tjera