Fun & Video

“Presioni” që fshihet pas ngjarjeve të mëdha mbretërore, arsyeja pse rojeve u bie të fikët

Autori: Gazeta inFokus 13:58 | 19 September 2022

Pak ditë më parë, një roje mbretërore humbi ndjenjat dhe u rrëzua në tokë, teksa ruante arkivolin e Mbretëreshës Elizabeth.

Arkivoli i Mbretëreshës është ruajtur për 24 orë në ditë, me ushtarë që rrotullohen çdo 20 minuta rreth arkivolit. Në total gjatë gjithë turnit të tyre, ata qëndrojnë në vend për gjashtë orë.

Ky incident i fundit ka zbuluar se rastet kur rojeve mbretërore iu bie të fikët në evente të mëdha janë të shumta dhe kjo ka një kuptim dhe arsye të veçantë. Majori Dai Bevan, i cili udhëhoqi Gardën e Nderit prej 101 trupash në dasmën e Princit dhe Princeshës së Uellsit ka treguar se rojet në të vërtetë mësohen e trajnohen për të humbur ndjenjat për të tërhequr vëmendjen.

-Advertisement-

Ai tha se pjesë e trajnimit të ushtarëve është edhe të rënit të fikët dhe kjo duke shmangur rënien anash ose mbajtjen pas diçkaje për mbështetje. Top Albania Radio shkruan se sipas tij perfeksioni në këtë trajnim shfaqet te ata ushtarë që mund të rrëzohen me fytyrë duke mbajtur edhe pushkët e tyre.

Por ka edhe raste të tjera kur rojet mbretërore kanë humbur ndjenjat për shkak të lodhjes, pasi qëndrimi drejt në vend për periudha të gjata kohore mund të shkaktojë tendosje të muskujve, dhimbje në pjesën e poshtme të shpinës dhe ënjtje të këmbëve.

Kjo e kombinuar me peshën e uniformës së tyre, kushtet mjedisore dhe presionin për të përmbushur detyrat e tyre. Ndërkaq, në Kishën Westminster sapo përfundoi shërbesa fetare për funeralin e Mbretëreshës, në prani të 2 mijë të ftuarve.

Kjo është kisha historike ku kurorëzohen mbretërit dhe mbretëreshat e Anglisë. Për Elizabetën e Dytë ky moment u shënua në vitin 1953, 6 vjet pasi në të njëjtin vend u martua me Princin Filip kur ende ishte princeshë. Që nga shekulli i 18-të, aty nuk mbahet shërbesë fetare funerali për një monark, edhe pse në vitin 2002 pati një të tillë për Nënën Mbretëreshë.

Subscribe në YouTube: GAZETA INFOKUSI
Etiketa:

Të tjera

Fokusi

fun-video