Lajme

Presioni gjerman për heqjen e masës së sigurisë, kryeparlamentari Konjufca optimist për një zgjedhje

Autori: Gazeta inFokus 16:18 | 02 October 2024

Kryetari i Kuvendit të Kosovës, Glauk Konjufca është shprehur optimist se do të gjendet një kompromis sa i përket masës së sigurisë për mallrat serbe në Kosovë si dhe zhbllokimin e vendimmarrjes në CEFTA.

Ai tha se interesi i Kosovës është që të jetë pjesë e mekanizmave rajonal, mirëpo tashmë ka mbetur të gjendet modalitetet për heqjen e masës së sigurisë.

“Jam shumë optimist se qeveria do të gjejë një gjuhë të përbashkët me organizatorët e këtyre nismave rajonale. Interesi i Kosovës është që të vazhdojmë të jemi pjesë e tyre. Pozicionin e qeverisë e kemi dëgjuar, kjo është çështje e sigurisë, partnerët tanë kanë propozuar që kjo mund të zgjidhet përmes disa masave që mund të merren dhe skanerëve. Tash i përket qeverisë që të gjejnë gjuhë të përbashkët që mund të ketë marrëveshje në këtë aspekt”, tha ai.

-Advertisement-

Sipas tij, qeveria s’ka vendosur masë të sigurisë për mallrat serbe për të bllokuar CEFTA-n, mirëpo ka qenë e obliguar për shkaqe sigurie pas sulmit terrorist në Banjskë.

“Pas Banjskës shqetësimi kryesor i Kosovës ka qenë që nëse ka hyrje të pakontrolluara të mallrave serbe dhe të kamionëve kjo e vendos Kosovës në një pozitë të vështirë, pasi s’mund të kishim kontrollin sa i përket hyrjes së gjërave të dyshimta, kryesisht armatimit. Për këtë kemi prit një mirëkuptim ndërkombëtarë, i cili ka qenë 1 vit, por tash siç po e shohim se Gjermania dhe shtetet të tjera janë këmbëngulës që kjo të hiqet. Ne dëshirojmë që të mos jemi pengues të funksionimit të CEFTA-s, por edhe mos të jemi aq naivë që të hyjë në Kosovë diçka që na kthehet bumerang në kuptimin e sigurisë”, theksoi Konjfuca.

Duke folur për largimin e dy deputetëve nga LVV-ja, Konjufca tha se është e drejt e tyre për të zgjedh rrugën që dëshirojnë t’i shprehin bindjet e tyre.

“Deputetët të djeshëm që i pamë po dëshirojnë të zgjedhin një rrugë tjetër, secili është i lirë me i shpreh bindjen e veta dhe shpjeguar orientimet e veta”, përfundoi ai.

Këto komente Konjufca i bëri pas pjesëmarrjes në konferencën e Institutit për Studimet e Luftës Hibride “Octopus”.

Subscribe në YouTube: GAZETA INFOKUSI
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme