Lajme

Presidentja jep sinjale se është kundër propozimit evropian: Flet për “vetëqeverisje të serbëve”

Autori: Gazeta inFokus 09:50 | 02 February 2023

Presidentja e Kosovës, Vjosa Osmani ka dhënë një intervistë të gjatë për gazetën austriake PROFIL. Megjithëse pjesën më të madhe të intervistës ja kushtuar pyetjeve e përgjigjeve për sjelljet e Vuçiqit, e para e vendit ka folur edhe për planin franko-gjerman dhe modalitetet e tij.

Ajo është shprehur aspak optimiste për konstruktivitetin e Vuçiqit.

“Nuk kam nevojë të dëgjoj fjalimet e Vuçiqit për të ditur se çfarë do të thotë. Taktikat e tij janë plotësisht të parashikueshme. Ai përpiqet të vihet në skenë si paqebërës. Në praktikë, ai më pas bën pikërisht të kundërtën. Fatkeqësisht, fjalët e tij nuk u realizuan kurrë” është shprehur Osmani.

-Advertisement-

Presidentja ka konfirmuar para gazetares se e ka pranuar planin franko-gjerman në formë të shtypur i cili është 4-5 faqe. Njëherësh ajo i ka zbuluar disa detaje të tij.

“Ajo që i ofrohet Serbisë në këmbim të kësaj njohjeje de facto është edhe më pak e qëndrueshme. Propozimi flet për “vetëqeverisje të serbëve”. Nëse ulem me tre avokatë, do të marr të paktën dhjetë mendime të ndryshme se çfarë do të thotë kjo në praktikë. BE-së i pëlqen të përdorë një gjuhë të paqartë në mënyrë që të dyja palët të mund t’i interpretojnë marrëveshjet ashtu siç e shohin të arsyeshme. Duhet ta lëmë pas këtë strategji. Sepse ne jemi ata që duhet të jetojmë me pasojat” ka thënë Osmani

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme